COVID-19 буюу титэм/corona/ вирусээр өнөөдөр хэн ч халдварлаж, цаашлаад амь насаа алдаж болох эрсдэлтэй нөхцөл байдал дунд бид байна. Энэ вирус зөвхөн Монголыг бус дэлхий нийтийг айдаст автуулж, түгшээж байгаа. Бидний өмнө мэддэг байсан амьдралын хэмнэл алдагдаж, цоо шинэ хэмнэлээр амьдрахыг шаарддаг боллоо.
Дэлхий нийтээрээ энэ вирустэй тэмцээд хоёр жил болох хугацаанд шинэ, шинэ сорилтууд, урд өмнө нь үзэж харж байгаагүй асуудлуудтай нүүр тулсаар байна.
Вирус цар тахлын хэмжээнд хүрч, халдвар илрээгүй цөөхөн орны нэгээр нэрлэгдэж байсан манай орныг ч бас бүрхэж, өдөртөө халдвар авагсдын тоо 2000 давж, нийт нас барагсдын тоо 500-г даваад байна. Энэ бол корона вирусийг басаж болохгүй гэдгийг сануулж, анхааруулж буй тоо баримт юм.
Гэтэл вирусийн халдвар авч, шаналж байгаа иргэд, амь насаа алдагсад, тэдний ар гэрийнхний зовлон бэрхшээл, халдварт өвчинтэй тэмцэж буй эмч, эмнэлгийн ажилчид, төрийн албан хаагчдын өмнө тулгамдаж буй асуудлаар доог тохуу хийж, УЛС ТӨРЖДӨГ хэсэгхэн хүний үйлдэл үнэхээр утгаа алдаж, дотор муухайруулж, цаашлаад зэвүүцэл төрүүлж эхэллээ.
Халдвар хамгааллын дэглэм алдагдаж, хариуцлагагүй байдлын үр хөврөлөөр халдвар авагсдын тоо өдрөөс өдөрт нэмэгдэж, вирустэй тэмцэж буй албан хаагчдын үнэхээр туйлдуулж байгаа нь үнэн. Гэхдээ тэд туйлдаж байна гэж гомдоллохгүйгээр шүд зуун ажиллаж, хажуугаар нь өөрсдөө халдвар авч, хүн хүсэхээргүй бэрхшээлийг даван туулцгааж байна.
Гэтэл тэдний энэ их хичээл зүтгэлийг үл тоон нулимж, амин хувийн эрх ашгаа тэргүүнд тавьж, улс төрийн агуулгатай үйл ажиллагаа зохион байгуулж, бүлэглэн нийлж, харлуулж байгаа хүмүүс байна. Тэд өөрт таалагдаагүй асуудлын хүрээнд үзэл бодлоо илэрхийлэх эрх чөлөөгөө эдэлж буй жирийн иргэд биш юм. Тэд бол СЭТГҮҮЛЧ нэрийн цаана хуйвалдаж, зохион байгуулалтад орж, бусдаас захиалга авч ийм явуургүй үйлдэл хийгчид юм. Тэдэнд ямар үзэл бодол, итгэл үнэмшил гэх зүйл байхгүй. Зүгээр л захиалагчийнхаа захиалгыг биелүүлэхээр шунаглан дайрч буй “биеэ үнэлэгч”-д юм.
Тухайлбал, NEWSPRESS.MN сайтын сэтгүүлч гэж өөрийгөө нэрлээд яваа н.Сарантуяа гэх бүсгүйд зориуд энд онцолмоор байна. Салбарын хэдэн найзууд минь зүтгэж байж энэ сайтыг нэр хүндтэй болгосон юм. Гэвч удалгүй тэр сайхан нэр хүнд нь унасан шалтгаан ерөөсөө л энэ н.Сарантуяа гэх бүсгүйтэй холбоотой юм.
Тэр бол дээр дурдсан бусдаас захиалга авч, хэвлэн нийтлэх эрх чөлөөг буруугаар ашиглаж, бусдыг гүтгэн доромжилж, сэтгүүл зүйн нэр хүндийг гутааж яваа цөөхөн хүмүүсийн нэг.
Өнөөдөр бидэнд хэвлэн нийтлэх эрх чөлөө байгаа ч үүнийгээ хэтрүүлэн ашиглаж болохгүй гэсэн хатуу ёс зүй, зарчим гэж байдаг. Олон ч сэтгүүлч, редакц ЁС ЗҮЙТЭЙ сэтгүүлч зүйг авч үлдэхийн тулд дуу хоолойгоо өргөсөөр байгаа. Сэтгүүл зүйн гал тогоонд орж ирсэн л бол хамгийн эхэнд ЁС ЗҮЙГЭЭ чанад сахих ёстой. Энэ бол тунхаглал. Гэвч энэ салбарын нэрийг ашиглаж, ёс зүйг уландаа гишгэж, сэтгүүл зүйг бусдыг гүтгэн доромжлох зэвсэг болгож байгаа хүмүүс байна… Тэдний нэг нь н.Сарантуяа юм.
Тэр корона вирустэй тэмцэж байгаа эмч, эмнэлгийн албан хаагчдын ажлыг үгүйсгэдэг. Тэр төдийгөөс өдийг хүртэл хичээн ажиллаж байгаа болгоныг доромжлон гутаадаг. Сүүлдээ бүр “ҮХЭЭСЭЙ” гээд хэнэгч үгүй бичиж, бах таваа ханган доромжилдог болж. Хуультай нийгэмд ЁС ЗҮЙТЭЙ сэтгүүл зүйн салбарын хүн шүү дээ. Ер нь бол түүнд ёс зүй гэх зүйл будуулсан хумсных нь хэмжээн чинээ ч алга.
Тэр бүр сэтгүүл зүйн салбарын ч хүн биш. Зүгээр л манай салбарыг ашиглаж хооллодог хэсэгхэн явуулын хүмүүсийн л нэг… Гэм нь ийм хүмүүс олширвол аюултай.
Өнөөдөр хэн ч корона вирүсийн халдвар авч болно. Та, би, эсвэл Ерөнхийлөгч, Ерөнхий сайд… Гэхдээ халдвар авчихлаа гээд тэр хүнийг “ҮХЭЭСЭЙ” гэж хараан зүхэж болох уу. Тэр тусмаа эелдэг зөөлөн гэгдэх эмэгтэй хүн шүү дээ. Үлгэрт гардаг нэг эмэгтэй бусдыг хараан зүхэх нь бий. Тэр бол БАБАЯАГА буюу нэрлэдгээр эмгэн шулам. Тэгэхээр хүнийг үхээсэй гэж харааж байгаа энэ эмэгтэй орчин цагийн БАБАЯАГА юм уу. Тэгвэл сэтгүүл зүйн салбар БАБАЯАГА-тай болчихсон байна. Гэвч энэ салбарт БАБАЯАГА хэрэггүй. Ер нь баба хүн ч хэрэггүй. Ёс зүйтэй, шударга, баримт нотолгоотой байх ёстой. Тэгэж байж нийгмийг эрүүлжүүлэх болохоос биш БАБАЯАГАНУУД сэтгүүл зүйн салбар үүрлэчихээд гуагчаад байвал нийгэм улам л бохирдож, хар бараанд живэх болно.
Өнөөдөр хүнийг ҮХЭЭСЭЙ гэж зүхэж байгаа сэтгүүлч маргааш ҮХЛИЙН тухай ямарч цензургүй мэдээлж байхыг үгүйсгэхгүй… Гэвч сэтгүүл зүй ийм байдаг юм. Тиймээс манай салбараас явна уу, БАБАЯАГА аа!!!
“Хүн та гэрэл гэгээ баяр баясгалан билэг ухаан хайр итгэл энэрэл нигүүлслийн далай” гэлүү. Тэгвэл бусдыг “ҮХЧЭЭРЭЙ” гэх хараах нь өөрөө хайр уу, энэрэл нигүүсэл үү н.САРАНТУЯА?
Энэ ч ёстой цаг алдахгүй анхааралдаа авах асуудал шүү. Сэтгүүл зүйн салбарт ажиллагч эрхэмүүдээ.
ЭНЭ SARAN TUYA ГЭДЭГ ЧААВААС НЭГ САЙХАН ГЭГЭЭЛЭГ НИЙТЛЭЛ ТАВИСАН МӨРТЛӨӨ ХҮН КОВИД ТУСЛАА ГЭНГҮҮТ ҮХЭЭСЭЙ ГЭЖ БИЧИХ АЖИЛ,АМ 2 АЛД ДЭЛЭМ ЗӨРҮҮТЭЙ ХҮН ЮМ АА СЭТГҮҮЛ ЗҮЙ ИЙМЭРХҮҮ ХҮМҮҮСЭЭ ЭГНЭЭНЭЭСЭЭ НЭР ЗААЖ БАЙГАД ХӨӨЛ ДӨӨ, МОНГОЛЫН СЭТГҮҮЛ ЗҮЙ АРДЧИЛЛЫН ШИНЭ ЭРИН ҮЕД ЯНЗ БҮР Л ЯВАА ХААЛТЫН ГЭРЭЭ ХИЙЖ АМАА ХУМХИДАГ НЭГ НЬ БАЙНА. ХААЛТГҮЙ ЦЕНЗУРГҮЙ ЯРИДАГ НЭГ НЬ Ч БАС БАЙНА.ГЭХДЭЭ УУЛЫН МОД УРТТАЙ БОГИНОТОЙ ГЭДЭГ ШИГ САЙН ГЭГЭЭЛЭГ АСУУДЛЫГБОДИТ ҮНЭН ТАЛААС НЬ СУРГАМЖ АВААСАЙ ГЭЖ БИЧИГЧИД ОЛОН. ЭНЭ ХҮҮХЭН ТЭДНИЙ НЭГ БИШ ЭЭ,ШҮҮР УНАСАН БАБАЯА БАЙНА.