“Эрдэнэс Монгол” ХХК-ийн нээлттэй болон нөөц бүрдүүлэх ажлын байрны сонгон шалгаруулалтын явцын талаар мэдээлэл хийлээ.
“Эрдэнэс Монгол” ХХК-ийн 88 ажлын байранд нээлттэй сонгон шалгаруулалт зарлаад байгаа билээ. Анкетыг энэ сарын 16 хүртэл хүлээн авсан. 17-20-ны хооронд бүртгүүлсэн иргэдийн материалыг 19 хүний бүрэлдэхүүнтэй ажлын хэсэг хянасан байна. Нийт 2955 хүн 88 ажлын байранд бүртгүүлсэн бөгөөд үүнээс 2407 хүн шаардлага хангажээ.
Ахлах менежер- 234
Менежер- 345
Гүйцэтгэх албан тушаалтан- 1828 хүн шаардлага хангажээ. Бүртгүүлсэн хүмүүсээс шаардлага хангаагүй 1731 байна.
Төрийн албаны зөвлөлийн Ахлах референт Т.Сосорбарам: “Эрдэнэс Монгол” ХХК-ийн нээлттэй сонгон шалгаруулалт дэмжлэг туслалцаа үзүүлэн ажиллаж байна. Цахим шалгалтыг энэ сарын 24,25-нд Төв номын санд зохион байгуулна. Өдөрт 5 ээлжээр шалгалт зохион байгуулахаар бэлтгэл ажлын хангаж байна. Шалгалт өгөөд дуусмагц хэдэн оноо авсан бэ гэдэг мэдээлэл нь ил болно.
Бичиг баримтын шаардлага хангасан 2407 хүнд хэдний өдөр, хэдэн цагт сорилын шалгалтад орох вэ гэдэг мэдээллийг мессежээр явуулсан байна. Шалгалтаас хамгийн өндөр оноо авсан албан тушаал бүрд таван хүнийг ажлын ярилцлагад урих юм байна. Ажлын ярилцлагыг нэгдүгээр сарын 30, 31, хоёрдугаар сарын 1-нд Худалдаа аж үйлдвэрийн танхимд зохион байгуулах аж.
