Монголбанк нь Монгол Улсын түүхэн үйл явдал, ойд зориулж дурсгалын зоос гаргадаг бөгөөд энэ жил 1939 оны Халхын голын байлдааны ялалтын 80 жилийн ой тохиож буйтай холбогдуулан “Халхын гол 80 жил” дурсгалын зоос гаргажээ.
Мөн уг зоостой хамт “Хот мандал хэмээх Дуйнхор бурханы орд харшийг дүрсэлсэн “Хот мандал” дурсгалын мөнгөн зоосыг гаргасан байна. Дашрамд дурдахад, Хот Мандалын голд Дуйнхор бурхан оршиж түүнийг тойроод 365 бусад бурхан байх энэхүү дүрслэлийг “Цогт цагийн хүрдэн” хэмээн нэрийддэг байна.
