160-р цэцэрлэг дээвэртэй боллоо

Жил жилийн намар эцэг эхчүүдийн толгойны өвчин болдог асуудал бол ЦЭЦЭРЛЭГ.Тэгвэл цэцэрлэгийн хүрэлцээгүйгээс заавал шинэ цэцэрлэг барих бус өөрсдөдөө байгаа нөөц боломжоо ашиглаад хуучин цэцэрлэгийнхээ хүрэлцээг нэмэх боломжтойг 160-р цэцэрлэгийн хамт олон харууллаа. Тус цэцэрлэгийн дээвэр цоорч, хоёр давхрын ангиудхүүхэд хүлээж авах боломжгүй байсан юм. Иймээс 160-р цэцэрлэгийн удирдлагууд УИХ-ын гишүүн Д.Цогтбаатарт хүсэлт тавьж, улмаар засварын ажлын хөрөнгийг шийдүүлснээр дээврийг засварлаад зогсохгүй хоёр давхрын ангиуддаа элсэлт авч эхэлсэн гэх таатай мэдээг бидэнд дуулгалаа.

Цэцэрлэгийн эрхлэгч Ч.Одгэрэл:Хүүхдүүд эрүүл, аюулгүй орчинд хичээллэх болсонд баяртай байна

–Дээвэр цоорч, элэгдснээс хоёр анги үйл ажиллагаа явуулах боломжгүй болсон гэлээ. Тэгэхээр уг асуудлыг хэрхэн шийдвэрлэсэн бэ?

-Сар гаруйн өмнө манай цэцэрлэгийн хоёр анги хүүхэд хүлээж авах, үйл ажиллагаа явуулах боломжгүй байсан. Наймдугаар сарын 24-ны өдөр Д.Цогтбаатар гишүүн ирж манай сургуулийн үйл ажиллагаатай танилцсан. Нэг ангийн дээврийг Дүүргийн Засаг дарга нөөц хөрөнгөнөөсөө гаргаж засварлаад байсан. Харин үлдсэн ангийн дээврийн засварын ажлыг Д. Цогтбаатар гишүүн хөөцөлдөж өгснөөр Нийслэлийн хөрөнгө оруулалтаар засах боломж бүрдсэн.

–Засварын ажлыг хичнээн төгрөгийн хөрөнгө оруулалтаар хийсэн бэ?

– Нийслэлээс нийт 37 сая төгрөгийн хөрөнгө оруулалт хийсэн.

-160-р цэцэрлэг хичнээн хүүхэд хүлээж авах боломжтой байдаг вэ?

-Манай цэцэрлэг 280 хүүхдийн хүчин чадалтай. Энэ хичээлийн жилд 570 гаруй хүүхдийг хүлээж аваад байна.

---

 

УИХ-ын гишүүн Д.Цогтбаатар:Хүүхдэд төсөв байхгүй гэх тайлбарыг өгөх эрх бидэнд байхгүй

–Анх цэцэрлэгийн нөхцөл байдал ямар байсан бэ?

-Сарынөмнө ирж цэцэрлэгийн үйл ажиллагаатай танилцсан. Тэгэхэд нөхцөл байдал маш хүнд байсан. Ингээд бид хотын удирдлагуудтай уулзаж \”160-р цэцэрлэгийн дээврийн асуудлыг яаралтай шийдэж өгөх хүсэлт тавьсан.

Хотын дарга Су.Батболд, Хөрөнгө оруулалт хариуцсан н.Баярхүү дарганаршуурхай арга хэмжээ авч, дээвэр засварлах хөрөнгө шийдэж өгсөн.Хүүхэдэрүүлорчинд өсч хүмүүжнэ гэдэг бол номер нэг асуудал. Хүүхдүүд цэцэрлэгт явж байж эцэг эх нь санаа зовохгүйгээр ажлаа хийж, улс орон хөгжинө. Хүүхдэд төсөв байхгүй гэх тайлбарыг өгөх эрх бидэнд байхгүй. Бид хүүхдүүдэд тав тухтай, эрүүл аюулгүй орчин бүрдүүлж өгөх үүрэгтэй, үүний төлөө ажиллах ёстой

-Сүхбаатар дүүрэгт засварын асуудалтай, хүрэлцээ муутай цэцэрлэгийн асуудлыг цаашид хэрхэн шийдвэрлэх вэ?

-Цэцэрлэгийн хүрэлцээний асуудал бол зөвхөн Сүхбаатар дүүрэг бус улс орон даяар тулгамдаж буй асуудал. 160-р цэцэрлэг ч мөн ачааллаасаа хамаагүй давсан нөхцөл байдалд ажиллаж байгаа.Сүхбаатар дүүргийн хэд хэдэн цэцэрлэг дээврийн асуудалтай байгаа. Үүндээр гадна дотны нөөц бололцоо юу байна гэдгийг бид ярилцаж байгаа.Энэ хямралын жилүүдэд санаачлагатай шинийг сэдэж л ажиллахгүй бол зүгээр төсөв харж суугаад асуудал шийдэгдэхгүй шүү дээ.

Л.Ариун