![\"\"](http://undesten.mn/uploads/posts/2016-11/1480489499_15194325_629675683905674_485572199835063496_o.jpg "\\"\\"")
Сонгинохайрхан дүүргийн төр захиргааны алба хаагчдын дунд зохион байгуулагдсан спортын буудлага, сагсан бөмбөг, гар бөмбөгийн гурван төрөлт \”Спорт наадам-2016” тэмцээнд Сонгинохайрхан дүүрэг дэх Цагдаагийн хоёрдугаар хэлтсийн баг тэргүүн байр эзэлжээ.
Хүн амын бие бялдарыг чийрэгжүүлэх үндэсний хөтөлбөр хэрэгжүүлэх, төр захиргааны байгууллагуудын хамтын ажиллагааг өргөтгөх зорилгоор энэ сарын 26-27-ны өдрүүдэд болсон тус тэмцээнд 16 баг тамирчид оролцож, хурд хүч, авхаалж самбаа сорин өрсөлдсөн байна.
\”Спорт наадам-2016” тэмцээний буудлагын төрөлд Сонгинохайрхан дүүрэг дэх Цагдаагийн хоёрдугаар хэлтсийн дарга, цагдаагийн хурандаа Г.Эрдэнэбаатарын ахалсан баг нэгдүгээр байр эзэлсэн бол гар бөмбөгийн тэмцээнд мөрдөн байцаагч, цагдаагийн ахлах дэслэгч Э.Жавхлантөгс ахлагчтай баг тамирчид тэргүүн байрт шалгарчээ. Мөн гар бөмбөгийн багийн ахлагч цагдаагийн ахлах дэслэгч Э.Жавхлантөгс \”Шилдэг тоглогч” цомын эзэн болов.
Ийнхүү багийн дүнгээр Сонгинохайрхан дүүрэг дэх Цагдаагийн хоёрдугаар хэлтсийн алба хаагчид түрүүлж шилжин явах цомыг гардан, өргөмжлөл, мөнгөн шагнал хүртсэн юм.
