Салхин цэцэг өвчнийг ханиад гэж андуурч буруу эмчилж байна

Салхин цэцэг өвчний тархалт өсөж
байна. Энэ өвчин нь жил бүрийн өдийд нилээд тархалт өндөртэй байдаг бөгөөд агаар
дуслын замаар халдварладаг. Үүнд агаарын бохирдол, орчны бохирдол зэрэг нь агаар
дуслын замын өвчний тархцанд нөлөөлдөг байна.

Салхин цэцэг өвчний тархалт эхэн
үедээ ханиад томуутай ижилхэн анзаарагддаг байна. Хоолны дуршил буурч бага
зэрэг халуурч, толгой нь өвдөж ганц нэгхэн тууралт үзэгдэнэ. Энэ үед эцэг
эхчүүд дур мэдэн ханиадтай эндүүрэн эмчилгээ хийснээр хүндрүүлэх аюултай
байдаг.

 

Салхин цэцэг өвчний үед халуурах
шинж тэмдэгээр эхлэхээр эцэг эх, асран хамгаалагчид шууд дур мэдэн антибиотик
өгч байдлыг улам хүндрүүлдэг. Салхин цэцэг нь вирусаар үүсгэгдсэн тууралтат
өвчин тул ямар ч төрлийн антибиотик уух хэрэггүй. Антибиотик ууснаар хүүхдийн
дотуур тууралтыг гадагшлуулахгүй байх магадлалтай байдаг байна.

Амьсгалын замаар, хүнээс хүнд
халддаг энэхүү өвчний тусах магадлал нь 80 хувьтай байдаг гэнэ. Тиймээс хүүхдээ
хамгаалахын тулд өвчилсөн хүмүүсээс тусгаарлах, дархлаа дэмжих эмчилгээг хийх
хэрэгтэй.

Эмчилгээний дараалал сайтай,
асаргаа сайтай бол маш амархан эдгэрдэг өвчин. Тууралтыг хурдхан тууруулж /нэг
үгээр гадагшлуулж/ хатааж эмчлэхээс өөр аргагүй.

Энэхүү өвчний Тууралт нь: Дунджаар 250-500 ширхэг жижиг, шингэн агуулсан,
улаан толбон тууралт арьсан дээр гардаг. Тууралт нь эхлээд нүүр, их
биеээр гараад цааш бүх биеэр тархдаг. Цэврүү нь нэг хоёр өдрийн
дараагаар булингартай болж хагарч тавшдаг. Амны хөндийн салст бүрхүүлд
гарсан цэврүүт тууралт амархан хагарч шархлаа үүсгэснээс хоол унд идэж уухад
хөндүүрлэж өвдөх, амнаас эвгүй үнэр үнэртэх, шүлс ялгаралт ихсэх, хорсох, зарим тохиодолд бөөлжих нянгийн халдвар орсны улмаас шарх нь идээт
өнгөртэй болох, өндөр халуурах зэрэг шинжүүд
илэрнэ.

 

Эмчилгээ:

1.Үүсгэгчийн эсрэг:Ацикловир (зовиракс)-ыг эмчийн заавраар
хэрэглэнэ

2. Шинж тэмдгийн

· Загатналт ихтэй
үед харшлын эсрэг бэлдмэлүүд хлорфенамин ,лоратадин, цертризин гм эмүүдийг
тохирох тунгаар хэрэглэнэ.

· Шингэн алдалтаас
сэргийлж амаар шингэн сайн уух. Уух шингэнд буцалсан ус, хорсол, шингэн
баахуу, будааны шүүс, үзэмний шүүс зэрэг бага концентрацтай уусмалууд орно. Гэхдээ
хүйтэн зүйл уухгүй

· Халууралттай
халуун бууруулах парацетамол 10 мг/кг-р бодож уух эсвэл лаа
хэлбэрээр ибупрофенийг хэрэглэнэ.

· Цэврүүт
тууралтанд 1-2% -ийн бриллиантын ногоон болон метилийн хөх спиртэн уусмалыг
түрхэнэ.

· Нүдэнд тууралт
гарсан бол, 20%-ийн альбуцидын уусмалаас нүдэнд дусаана.

· Хэрэв бэлэг
эрхтэн, амны хөндийн салст бүрхүүлд тууралттай байвал бэлэг эрхтнийг цэвэр
усаар угааж тос түрхэх, амны хөндийг хооллосны дараа тогтмол буцалсан усаар,
тамединыуусмалуудаар өдөрт 2-3 удаа зайлах шаардлагатай.

Урьдчилан сэргийлэлт:

1. Өвчилсөн хүмүүсийг тусгаарлах

2. Хэрэв та өвчилсөн хүнтэй цуг байсан
урьд нь салхинцэцгээр өвчилөөгүй бол биеийн дархлаагаа дэмжих эм
болон витамин эмчилгээг хийнэ

Энэ мэт арга хэмжээг эмчинй
заавраар авна. Хэрэв таны хүүхдийн байдал ойлгомжгүй, ханиаднаас ялгаж чадахгүй
байгаа бол Халдвартын Түргэний 100 дугаарт залгаж мэдээлэл зөвлөгөө авч болно.
Салхин цэцэг өвчний тархалт их байгаатай холбоотойгоор ХӨСҮТ ачаалал ихтэй
ажиллаж байна.

Үндэстэн агентлаг