![\"\"](http://undesten.mn/uploads/posts/2017-01/1484549243_c481367a41544902bf4bf3cadf32f209.jpeg "\\"\\"")
Монгол Улсын Шадар сайдын ажлын алба, Онцгой байдлын ерөнхий газар, НҮБ-ын Гамшгийн эрсдэлийг бууруулах зүүн өмнөд Азийн бүс нутгийн газар хамтран \”Сендайн үйл ажиллагааны хүрээ баримт бичгийг орон нутгийн түвшинд хэрэгжүүлэх нь” сэдэвт сургалтыг энэ сарын 19, 20-ны өдрүүдэд Дархан-Уул аймагт зохион байгуулахаар бэлтгэл ажлыг хангаж байна. Энэхүү сургалтанд гамшгаас хамгаалах орон нутгийн албад, төр захиргааны байгууллага, Онцгой байдлын ерөнхий газрын харьяа анги, байгууллагын төлөөлөл нийт 64 хүн хамрагдах юм байна.
Сургалтад хамрагдсан албан хаагчид Гамшгийн эрсдэлийг бууруулах чиглэлээр 2015-2030 онд хэрэгжүүлэх Сендайн үйл ажиллагааны хүрээ баримт бичгийг орон нутагт хэрэгжүүлэх талаар өөрсдийн сурч мэдсэн мэдлэгээ иргэд, олон нийтэд түгээн ажиллах юм.
\”Гамшгийн эрсдэлийг бууруулах чиглэлээр 2015-2030 онд хэрэгжүүлэх Сендайн үйл ажиллагааны хүрээ баримт бичгийн хэрэгжилтийг орон нутгийн түвшинд хангах нь” сургалт аймгийн ЗДТГ-ын хурлын танхимд болно.
