![\"\"](http://undesten.mn/uploads/posts/2017-08/1503641648_21077543_896555440492004_2853903288559988756_n.jpg "\\"\\"")
Байгаа орныхоо талаар та бүхэнтэй мэдээлэл хуваалцахаар шийдлээ. Эртнээс Сиам хэмээн нэрлэж байсан Тайландын Вант улс нь бүрэн эрх, хэмжээт эрхт хаант засагтай орон ба Дорно-Өмнөд Азид оршдог, далайд гарцтай, 4 улстай хиллэдэг орон юм. Газар нутгийн хувьд манай монголоос 5 дахин бага боловч хүн ам нь аль хэдийнээ 67 саяд хүрчээ. Монгол Улс Тайландын Вант Улстай 1974 онд дипломат харилцаа тогтоосон бол 2000 онд өөрийн ЭСЯ-аа Бангкок хотод нээжээ. Тайландын
аль ч албан газар, байгууллага, дэлгүүр, байшин бүрийн үүдэнд тайландын хаан/вангын зургийг хүндэтгэлтэйгээр залсан байдгыг харвал өөрийн хаанаа үнэхээр их шүтэж дээдэлдэг бололтой. Тайландын өмнөх хаан Вхамибол өнгөрсөн жил нас барьж угсаа залгамжлах Хунтайж Маха Вачиралонгкорн хааны үүргийг гүйцэтгэж байгаа хэдий ч албан ёсоор хаан ширээндээ 2017 оны 10 дугаар сарын 26-нд залрах гэнэ.
Тайланд орон дотоодын нийт бүтээгдэхүүний хэмжээгээр дэлхийд 27 дугаар байрт ордог. Шинээр аж үйлдвэржиж байгаа, түүний дотор автомашин, электрон тоног төхөөрөмжийн үйлдвэрлэл эрчимтэй нэмэгдэж байгаа улсын тоонд багтаж чаджээ. Эдийн засгийн ихэнх хувийг үйлдвэрлэл, газар тариалан, аялал жуулчлалын салбараас бүрдүүлдэг. Гадаадын аялагч нарын тав тухыг дээд зэргээр хангаж чадсан байдаг учраас аялал жуулчлалын салбар нь шууд бус байдлаар тус улсын ДНБ-ны 20 хувь буюу бараг 72 тэрбум ам.долларыг дангаараа бүрдүүлдэг гэнэ. Ихэнх жуулчид 11 дүгээр сард ирж жинхэнэ сизон эхэлдэг байна.
Тайландын Вант Улсын Зэвсэгт хүчин нь 300 гаруй мянган хүнтэй байнгын армитай бөгөөд 250 мянган бэлтгэл хүчтэй юм. Тус улсын батлан хамгаалах салбарын төсөв 2011 оны байдлаар 5,1 тэрбум ам.долларт хүрч байсан мэдээ бий. Тайландын армид алба хааж буй ахлагч нар сар бүр улсаас үнэгүй хүнсний хангалт үнэгүй авдаг. Тухайлбал 20 жил алба хааж буй нэг ахлагч сард 15 кг цагаан будаа, 15 ширхэг өндөг, 1 литр ургамлын тос авах нормтой ажээ.
Тайландчууд голдуу Япон, Өмнөд Солонгосын лицинзээр жилд 1,5 сая ширхэг автомашин үйлдвэрлэж дотоодын зах зээлийг хангаад зогсохгүй экспортод гаргаж байгаа ба энэ салбарт дэлхийд эхний 9 дүгээр байрыг нэгэнт эзлэж чадсан байна. Ихэнх шатахуунаа гаднаас авдаг энэ оронд 1 литр бензин маркаасаа хамаараад ойролцоогоор 2400 төгрөг, харин дизель 1700 төрөгний үнэтэй байна. Энд анзаардагдсан нэг сонин зүйл бол буддын шашины лам нар тэдний амьдралын хэв маяг юм.
Р.Энхболд
![\"\"](http://undesten.mn/uploads/posts/2017-08/1503641708_20993861_896555460492002_1059508453167783281_n.jpg "\\"\\"")
