Багш нар цалингаа нэмүүлэх тэмцэлээ үргэлжлүүлэн гэв

 

  Өнөөдөр \”Багш нарын
цалинг нэмэгдүүлэх түр хороо” Багш нарын онц их хурлаас гарсан шийдвэр болон
шинэ Засгийн газарт шаардлага хүргүүлэх асуудлаар мэдээлэл хийлээ. Багш нарын цалинг нэмэх талаар төр засгийн хэмжээнд дуугарч
байгаа нь бидний үйл ажиллаганы амжилт болж байгаа. Цаашид 35 мянган багш, 35
мянган захидал Засгийн газарт хүргүүлнэ. Мөн шар зангиагаар ижилсэн
нийгмийг сэрээхийг уриалж байна. Шар өнгө нь эрдэм номын өнгө, багшаа дээдэлж
эрдэм ном сурдаг уламжлалтай. 2012 онд ам.долларын ханш 1250 байсан. Гэтэл
өнөөдөр 2400 болсон. Тэр үед бидний цалин 500 мянган төгрөг байсан. Өнөөдөр ч
энэ хэвээр байна. Тиймээс цалингаа нэмүүлэхээс өөр ямар ч арга алга. Тэр үед
бид 400 ам.доллартай тэнцүү цалин авдаг байж. Одоо 200 ам.доллартай тэнцэхүйц
цалин авч байна. Бид ядаж 400 ам.долларын цалин авмаар байна. Багш нарын цалинг
шууд 1.6 сая төгрөг болго гэхгүй. Энэ оны дөрөвдүгээр улирлаас бидний цалинг 50
хувь нэмснээр багш нарын цалин 700-900 мянган төгрөг болох юм. Харин 20,
30 хувь нэмэхийг хүлээн зөвшөөрөхгүй. Бид үүний төлөө тэмцээгүй. Ядаж энэ ондоо
багтаан 50 хувь нэмэхийг шаардаж байна. Бидний зорилго цалингаа 1.6 сая болгох.
Тэр хүртэл бидний тэмцэл зогсохгүй”. Мөн \”Багш нар 1.6 сая төгрөгийн төлөө хоёр
сар тэмцлээ. Монголын багш нар онц их хурал хийж энэ тоог тогтоосон. Энэ тоог
ерөнхий боловсролын сургууль, цэцэрлэгийн багш нарын цалингийн хамгийн бага хэмжээ
гэж үзэж байгаа. Бид энэ бүхний төлөө тэмцсээр байх болно” гэв. Түүнчлэн \”Бид ОУВС-нд
шаардах бичиг хүргүүлсэн. Бид цалингаа нэмүүлэхийн тулд энэ хугацаанд олон
тэмцэл хийлээ. Гэвч төр засаг маань биднийг сонсохгүй байна. Иймээс
40 орчим мянган багш нар маань энэ асуудлаа бичсэн захидлаа нэгтгээд Засгийн
газарт хүргүүлэх гэж байгаа мэдэгдсэн юм.