Манай даамчид мөнгөн медаль хүртжээ

 

БНХАУ-ын Жянсу мужийн Жяньинь хотод \”Нэг бүс, нэг зам\” зуун буудалт даамын олон улсын тэмцээн боллоо. Нийтдээ зургаан улсын долоон баг оролцсон уг тэмцээнд манайхан амжилттай оролцож, багаараа хоёрдугаар байр эзлэв. Манай тамирчдаас эрэгтэйчүүдийн ангилалд өрсөлдсөн ОУИМ Г.Ганжаргал мөнгө, эмэгтэйчүүдэд СМ Е.Ариунзаяа дөрөв, U-10 насанд охидоос Н.Лхагвадолгор алтан медаль хүртсэн бол хөвгүүдээс Б.Баасанбар тавдугаар байрт орсон байна. Тус тэмцээнд шилдэг их мастеруудаас бүрдсэн ОХУ түрүүлж, зохион байгуулагч орон БНХАУ-ын нэгдүгээр баг хүрэл медаль хүртжээ.