Ч.Ганжавхлан Хүний эрхийн Үндэсний Комиссын даргад зөвлөнө

Монгол Улсын Хүний эрхийн
Үндэсний Комиссын дарга Ж.Бямбадорж, Ажлын албаны дарга Ч.Алтгангэрэл нар 2017
оны 11 дүгээр сарын 21-ны өдөр \”Лантуун дохио” ТББ-ын тэргүүн,
хүчирхийллийн эсрэг \”Нүдээ нээ” хөдөлгөөнийг санаачлан зохион байгуулагч
Ч. Ганжавхланг хүлээн авч уулзлаа. Уулзалтын эхэнд Хүний эрхийн Үндэсний
Комиссын дарга \”Юуны өмнө баяр хүргэе. Буян гэж байдаг бол буян үйлдэж
байна. Заримдаа буян бодож байгаад буруу зүйл хийх их үе зөндөө гардаг.
Заримдаа их тодрох гээд буруу тийш хэлбийдэг. Огт юу ч хийхгүй байгаа хүмүүстэй
харьцуулахад тэр хүмүүст буруу байхгүй. Зөв гарцыг олоод зөв зүгт явах их
чухал. Та нарын хийж байгаад ганц би биш, олон хүн баярлаж байгаа болов уу.
Шантрахгүй, зогсолтгүй явах хэрэгтэй. Хүний эрхийн үндэсний байгууллагын хувьд
2 хөлтэй байхыг илүүд үздэг. Тиймээс бид та нарын санаачлагыг дэмжинэ. Хүүхдийн
эрхийн асуудлаар дахиад илүү их мэдээллийг ч авч болно. Ид шидийн орныг
ажиллуулах эрх зүйн үндсийг нэн яаралтай боловсронгуй болгох шаардлагатай. Энэ
асуудалд би тусалъя” гэсэн юм.

\”Лантуун дохион” ТББ
нь сүүлийн 5 жил тасралтгүй үйл ажиллагаа явуулж байгаа бөгөөд Эрэгтэй
голдуу гишүүнтэй. Хүчирхийллийн эсрэг эрчүүд дуу хоолойгоо нэгтгэх зорилгоор
анх байгуулагдсан. Орон нутагт ажиллаж, аян зохион байгуулж байсан. \”Ид
шидийн орон”-г барихын тулд улсаас ганц удаа гуйлга гуйсан нь газар. Газар
авахад туслаач ээ. Өмчлөхөөр биш, эзэмшихээр авъя. Хураамжийг нь төлөөд явъя
гэсэн. Улс \”чадахгүй ээ” гэсэн хариу өгсөн. Тэгээд бид мөнгөөр газар
худалдаж авсан. Сонгинохайрхан дүүргийн хамгийн ядуу 5 хорооны голд нь төвөө
барьсан. 6 сар ажиллаад гэрэл цахилгаан, дулааны асуудлыг шийдээд, хөрс,
агаарын бохирдолгүй, байгальд ээлтэй байхаар зохицуулсан. 108 утасны хүүхэд
хамгааллын төв дэргэдээ 11 хүүхэд хүлээн авах хүчин чадалтай гэж сонссон. Манай
төвд 45 хүүхдийн ортой. Хүчирхийллийн үндэсний төвтэй гэрээ байгуулаад ажиллахаар
төлөвлөж байгаа” хэмээн тус төвийн тэргүүн Ч.Ганжавхлан \”Ид шидийн
орон” хүүхэд хамгааллын төвийн бүтээн байгуулалтын ажлаасаа танилцуулсан юм. Ингээд уулзалтын
төгсгөлд Хүний эрхийн Үндэсний
Комиссын зүгээс \”Монгол Улс дахь хүний эрх, эрх чөлөөний байдлын талаарх
16 дахь илтгэл”-д тусгасан асуудлыг хөндөж буй \”Нүдээ нээ” хүчирхийллийн
эсрэг аянг дэмжиж байна. Цаашид бүхий л чиглэлээр хамтран ажиллах
боломжтойг илэрхийлээд \”Лантуун дохион” ТББ-ын тэргүүн Ч.Ганжавхланд Хүний
эрхийн Үндэсний Комиссын даргын орон тооны бус зөвлөхөөр ажиллахыг санал болгожээ.