129-р цэцэрлэгийн эрхлэгч Ө.Алдармаагийн хууль бус үйлдэл хэрээс хэтэрч байна гэв

$\"\"$

Нийслэлийн Баянзүрх дүүргийн 129-р цэцэрлэгийн эрхлэгч Ө.Алдармаагийн
хууль бус үйлдлийн талаар тус цэцэрлэгийн хүүхдүүдийн эцэг эхчүүд өнөөдөр
мэдээлэл хийлээ.

Тус цэцэрлэгийн багш Ж. Энхжаргал хэлэхдээ: Миний бие
боловсролын салбарт 24 жил ажилласан боловсролын тэргүүний ажилтан хүн. Гэтэл
намайг 129-р цэцэрлэгийн эрхлэгч Ө. Алдармаа өнгөрсөн 9-р сарын 28-нд хууль
бусаар ажлаас халсан. Өнөөдөр энэ хүний хууль бус үйлдэл хэрээс хэтрээд байна. Цэцэрлэгийн
багш ажилчид болон эцэг эхчүүд энэ хүний талаар АТГ-т мэдэгдсэн. Ө.Алдармаа эрхлэгч
цэцэрлэгийн багш нарыг дур мэдэн хууль бусаар ажлаас халж, оронд нь цэцэрлэгт
багшлах ямар ч эрхгүй хүмүүсийг багшаар тавьж бага насны хүүхдүүдийн сурч боловсрох
эрхийг ноцтойгоор зөрчиж байна. АТГ-аас Ө. Алдармааг 24 сая 500 мянган төгрөг
завшсаныг тогтоосон юм билээ. Тийм учраас бид бүхэн БСШУС-ын сайдад хандаж
Нийслэлийн 129-р цэцэрлэгийн эрхлэгч Ө.Алдармааг ажлаас нь чөлөөлж өгөх хүсэлт
гаргаж байна гэлээ.

129-р
цэцэрлэгийн эцэг эхийн төлөөллүүд: Цэцэрлэгийн эрхлэгч Ө.Алдармаа нь цэцэрлэгт
авах ёстой хүүхдүүдийн тоог хэтрүүлж, дур мэдэн олон хүүхэд авсан нь
хүүхдүүдийн сурч боловсрох эрхийг ноцтойгоор зөрчиж байна. Ө.Алдармаа тэр илүү
орсон хүүхдүүдийг ямар нэгэн байдлаар хахууль авч оруулсан нь тодорхой юм. Өнгөрсөн жил тэрээр бүх эцэг эхчүүдээс 15 мянган
төгрөг хурааж авч цэцэрлэгт засвар хийнэ гэсэн боловч ямар ч засвар хийгээгүй. Цэцэрлэгийн
эрхлэгч Ө.Алдармаа өөрийн танил талаар багш нарыг томилдог. Эцэг эхчүүдийн
санал хүсэлтийг огт хүлээж авдаггүй. Багш нарыг ээлжийн амралтаа аваад амарч ирсний
дараа ажилдаа орох гэхэд ажилд нь оруулалгүй
халсан байсан. Тэгсэн мөртлөө өнөөдөр хүү нь цэцэрлэгт манаач хийгээд явж
байна. Мөн багш нарын илүү цагийн цалинг хувьдаа завшдаг. Бас дур мэдэн эцэг эхчүүдийн зөвлөлийг татан
буулгасан. Тэрээр Улаан-үд хот руу ах
дүү хамаатан саднаа авч явсан. Энэ үеэр Ө.Алдармаа бүх тогооч нарыг авч явснаас цэвэрлэгч,
өөрийнх нь нарийн бичиг болон эмчийн албан тушаал хашдаг Мядагмаа гэдэг эмэгтэй,
гал тогооны сав угаагч нар хүүхдүүдэд
хоол хийж өгсөн байсан. Тэр хийж өгсөн хоолных мах бүгд түүхий цус нь гоожсон
улаан мах байсан. Өнөөдөр тус цэцэрлэгт аяга таваг байдаггүй. Энд тэндээс аяга
таваг гуйж авч үйл ажиллагаагаа явуулж байна. Цэцэрлэгийн хүүхдүүдийн 20-30 хувь
нь байнга ханиад томуутай байдаг. Үнэхээр аймаар нөхцөлд хүүхдүүдийг байлгаж байна.
Багш нар байнгын айдастай, хэзээ нөгөө Ө. Алдармаа нь орж ирээд ажлаас нь халах
бол гэсэн айдастай байдаг. Тиймээс 129-р цэцэрлэгийн хүүхдүүдийн нийт 500 гаруй
эцэг эхчүүд бид энэ хүнийг ажлаас чөлөөлж өгнө үү гэсэн хүсэлтийг БСШУС-ын яаманд
гаргаж байна гэлээ.