![\"\"](http://undesten.mn/uploads/posts/2017-11/1511420443_dollar.jpg "\\"\\"")
Монгол Улсын нийт гадаад өрийн үлдэгдэл энэ оны гуравдугаар улирлын эцсийн байдлаар 26 тэрбум ам.долларт хүрчээ. Энэ нь жилийн өмнөхөөс 1.37 тэрбум ам.доллароор нэмэгдсэн үзүүлэлт аж. Үүнээс 8.1 тэрбум ам.доллар нь төрийн байгууллагын гадаад өр юм. Тухайлбал, Засгийн газрын гадаад өр 1.3 тэрбумаар нэмэгдэж, 6.2 тэрбум ам.доллартой дүйжээ. Тэгвэл Монголбанкны гадаад өр 175 саяар өсөж, 1.9 тэрбум ам.доллар давсан гэнэ. Банк болон бусад салбар, хөрөнгө оруулагчдын зээлийг бүхэлд нь хувийн хэвшлийн гадаад өр гэдэг. Хувийн хэвшлийн гадаад өр өнгөрсөн оны мөн үеэс 143 саяар багасаж, 17.9 тэрбум ам.долларт хүрээд байгаа аж.
