14 настай охин “Хятад Оскар”-ын эзэн боллоо

Хятадын кино урлагт шинээр төрөн
гарч ирж буй залуу жүжигчин \”Хятад хэл дээрх Оскар” хэмээн нэрлэгддэг \”Алтан
морь” наадмын шилдэг туслах дүрийн шагналыг хүртлээ. Дөнгөж 14 настай Вики Чен
охин тус наадамд \”The Bold, The Corrupt and
The Beautiful” кинонд бүтээсэн дүрээрээ нэр дэвшээд байсан юм. Харин түүний
хамтран кинонд тоглосон Хонг Конгийн жүжигчин Кара Вай Шилдэг жүжигчин шагналын
эзэн болжээ.

Шагнал гардуулах ёслол Тайваньд
болсон бөгөөд үүнд Хятад хэл дээр гарсан бүхий л киноны уран бүтээлчид оролцох
боломжтой аж. Харин жүжигчин охины тоглосон, чинээлэг гэр бүлийнхнийг тойрсон
гэмт хэргүүдийн тухай өгүүлэх \”The Bold, The Corrupt and The Beautiful”
кино нь нийт долоон номинацид нэр дэвшиж, гурван шагналын эзэн болж чаджээ.

 

 

Түүнчлэн Чен охин \”Angels Wear White”
киноны дүрээрээ Шилдэг жүжигчинд нэр дэвшээд байсан юм. Тус кинонд тэрээр бэлгийн
хүчирхийлэлд өртөж, түүнийхээ талаар олон нийтэд зарлахаар шийдсэн зочид
буудлын үйлчлэгч эмэгтэйн дүрийг бүтээжээ. Гэвч энэ шагналаа жүжигчин Вайд
алдсан ч, Чен нэр цуутай хоёр жүжигчин эмэгтэйг ялж, Шилдэг туслах дүрийн
шагналыг хүртсэн аж.

Орчуулсан Б.Болормаа