Нийслэлийн 2017 оны шилдэг авьяаслаг хүүхэд шалгарчээ

Нийслэлийн Засаг даргын хэрэгжүүлэгч агентлаг Хүүхэд, гэр бүлийн хөгжлийн газраас 2017 онд сурлага, урлаг, спортын амжилтаараа бусдыгаа манлайлсан Нийслэлийн оны шилдэг хүүхдүүдийг шалгаруулах ажлыг жил бүр ёслол төгөлдөр зохион байгуулдаг уламжлалтай билээ.Нийслэлийн шилдэг хүүхдийг Манлайлагч, Оюунлаг, Бүтээлч, Тамирчин, Авьяаслаг гэсэн таван номинациар шалгаруулсан бөгөөд энэ жилийн шалгаруулалтад есөн дүүргээс сургууль, дүүргийнхээ шилдэг 398 хүүхэд өрсөлдсөнөөс 44 хүүхэд нийслэлийн хэмжээнд шалгарч Нийслэлийн шилдэг хүүхдэд нэр дэвшлээ. Үүнээс Шилдгийн шилдгээр таван хүүхэд шалгарна.Энэ жилийн шилдэг хүүхэд шалгаруулах ёслолын үйл ажиллагааг онцлог байдлаар зохион байгуулж байгаа бөгөөд шилдгээр шалгарсан хүүхдүүдэд хүндэтгэл үзүүлж тэдний гаргасан амжилт бүхнийг өөрийн хүрээллийн найз нөхөд, багш, сургуулийн удирдлагуудтай хуваалцаж сургууль дээр нь гардуулав.

2017 оны НИЙСЛЭЛИЙН ШИЛДЭГ АВЬЯАСЛАГ ХҮҮХЭД-ээр

Чингэлтэй дүүргийн 61 дүгээр сургууль 12 дугаар ангийн сурагч Мижидсүрэнгийн Дашсүрэн шалгарсан юм.

Түүний амжилтуудаас дурдвал:

Олон улсын хэмжээнд гаргасан амжилт:

-\”Алтан гадас” 2016 ОУ-ын хүүхдийн бүжгийн их наадам хамтлаг бүжгийн төрлөөр дэд байр, гоцлол бүжгийн төрлөөр дэд байр

-\”Алтан гадас” 2017 ОУ-ын хүүхдийн бүжгийн их наадам хамтлаг бүжгийн төрлөөр тэргүүн байр, гоцлол бүжгийн төрлөөр тэргүүн байр

Улс, үндэсний хэмжээнд гаргасан амжилт:

-2016,2017 оны Бий биелээчдийн хүүхдийн улсын уралдаан хамтлаг биелгээний төрлөөр хошой хүрэл, хамтлаг бүжгийн төрлөөр тэргүүн байр

Нийслэл, бүсийн хэмжээнд гаргасан амжилт:

-2015,2016,2017 \”Бидний бахархал” Чингэлтэй дүүргийн хүүхдийн урлагийн их наадамд хамтлаг бүжгийн төрлөөр гурван удаагийн алтан медальт, гоцлол бүжгийн төрлөөр тэргүүн байр.

Бусад гаргасан амжилт:

-БНХАУ-ын Манжуур хотын тоглолт

-Нийслэлийн хүүхдийн баярын үйл ажиллагаа

-\”Бид сайн сайхныг дагуулна”

-БНТУ-ын хүүхдийн баярын хүндэтгэлийн тоглолт

-\”Хавсган” тэмцээний нээлтийн үйл ажиллагаа

-\”Нийслэлийн шилдэг хүүхэд-2016” шалгаруулах ёслолын үйл ажиллагаа

Нийслэлийн шилдэг хүүхдээр шалгарсан хүүхдүүдэд төр захиргааны байгууллагуудын удирдлагууд болон салбартаа амжилт гарган ажиллаж яваа олны танил хүмүүс амжилт хүсэн талархал дурсгалын зүйлийг гардуулсан юм.