Хүүхдээ асарч байгаа ээжүүд энэ сараас тэтгэмж авна

Хүүхдээ асарч буй ээжүүдэд зориулсан \”Цалинтай
ээж” хөтөлбөр хэрэгжүүлэхээр болсон. Энэхүү хөтөлбөр энэ сарын 1-нээс хэрэгжиж эхэлнэ. Тодруулбал, гэртээ бага насны
хүүхдээ асарч, цалин орлогогүй суух 0-3 хүртэлх насны хүүхэдтэй ээжүүдэд сар
бүр 50 мянган төгрөгийг 2018 оны нэг сарын 1-нээс олгохоор шийдвэрлэж, төсөвт
тусгасан билээ. Мөн гурав болон түүнээс дээш хүүхэдтэй өрх толгойлсон эцэг,
эхэд улиралд нэг удаа хөдөлмөрийн хөлсний доод хэмжээ болох 240 мянган төгрөг
олгох юм.Үүнд нийт 72,8 тэрбум төгрөг зарцуулааар төсөвт суулгасан.

\”Цалинтай ээж” хөтөлбөрт хамрагдах боломжийг
хангасан ээжүүд жирэмсний хугацааны таван сараас төрсний дараах таван сарын
хугацаанд сар бүр олгодог 40 мянган төгрөгийг төрсний дараа шууд сар бүр авах
50 мянган төгрөг рүү шилжүүлэн авах аж. Учир нь жирэмсний дээрх халамжийн
мөнгийг зөвхөн жирэмсэн байх хугацаанд олгож байхаар шийдвэрлэсэн байна.Эх, олон хүүхэдтэй өрх толгойлсон эх, эцэгт
тэтгэмж олгох тухай хуульд нийт дараах 4 төрлийн тэтгэмжийг олгохоор
зохицуулсан. Үүнд,

• Жирэмсэн
  эхийн тэтгэмж,
• 0-3
  нас хүртэлх насны хүүхдээ асарсны тэтгэмж /сар бүр олгох/
• Ихэр
  хүүхдийн тэтгэмж
• Гурав
  болон түүнээс дээш хүүхэдтэй өрх толгойлсон эх, эцгийн тэтгэмж олгоно.