Ерөнхийлөгчийн айлчлалын нэг зорилго \”Bank of China\”

Монгол Улсын Ерөнхийлөгч Ц.Элбэгдорж БНХАУ-д хийх төрийн
айлчлал эхлээд байгаа. Тэгвэл Монгол Улсын Ерөнхийлөгчийн айлчлалын гол үр дүнг
БНХАУ-ын дарга Си Зиньпиний амласан нэг тэрбум ам.долларыг авч ирэх нь хэмээн
манай хэвлэлүүд онцолж байгаа.

 

Харин өмнөд хөршийн хэвлэлүүд манай Ерөнхийлөгчийн
айлчлалын үр дүнг Тавантолгой төсөл,
Монгол Улс дахь \”Хятадын банк-ны салбар нээгдэх талд нааштай шийдвэр гарнагэж тоймлон бичиж байгаа аж.

Энэ тухай БНХАУ-аас Монгол Улсад суух Элчин сайд Шин
Хаймины ярилцлагадаа баталсан байна.

Тэрээр \”Хятад, Монгол хоёр улс уул
усаар холбогдсон байгалийн сайн хөрш, сайн найз, бас сайн түнш юм. Уянгат мод
нь байвал уран жигүүртэй ангир шувуу нь өөрөө ирж буудаг хэмээх Хятадын зүйр үг
бий. Жинхэнэ сайн төсөл байвал
найдвартай хөрөнгө оруулалт байхгүйгээс санаа зовох хэрэггүй, төслөө
эхлүүлснээр Монгол Улсын дэд бүтэц, ажил эрхлэлт, ашигт малтмалын
бүтээгдэхүүнийг боловсруулах зэрэг асуудлыг яваандаа шийдвэрлэх болно.Миний бодлоор Тавантолгой төсөл хоёр улсын хамтын ажиллагааны үлгэр жишээ болох
бүрэн боломжтой, бас үлгэр жишээ болох ёстой. Санхүүгийн хамтын ажиллагаа, ялангуяа Хятад банк \\Bank of China\\
Монголд салбар нээх талаар ярих гэсэн юм. Одоо Монгол Улсын эдийн засаг, нийгэм
тасралтгүй хөгжих, Хятад, Монгол хоёр тал Торгоны зам болон Талын замын
санаачлагыг уялдуулан хөгжүүлэхэд Тавантолгой шиг сайн төсөл хэрэгтэй байна.
Харин сайн төсөлд бас хөрөнгө оруулалт хэрэгтэй. Хятадад ийм нэг мэргэн үг бий,
\”гэртээ будаатай бол санаа зовох хэрэггүй” гэж. Монгол Улсын өнөөгийн эдийн
засгийн нөхцөл байдалд Хятадын банк шиг
найдвартай, нэр хүнд бүхий томоохон санхүүгийн байгууллага орж ирэх нь Монгол
Улсын бүтээн байгуулалт, дунд жижиг үйлдвэрийн хөгжил болон Хятад, Монголын
томоохон төслийн хамтын ажиллагаанд найдвартай санхүүжилт авчрах бөгөөд Монголын
эрх ашигт бүрэн нийцэж байна. Хоёр талын хамтын чармайлтын дор Хятад банк
Монгол Улсад салбар нээх асуудлаар ойрын хугацаанд эерэг ахиц гарна гэж найдаж
байна” хэмээн ярьжээ.

Түүний энэхүү ярианаас Bank of China-гийн салбар Монгол Улсад нээгдэхэд Монгол Улсын
Ерөнхийлөгчийн энэ удаагийн айлчлал үр нөлөөтэй байх нь гэж ойлгогдлоо. Ерөнхийлөгчийн айлчлалын дараа үр дүнг хэлэлцэх үеэр яригдсан асуудлууд тодорхой болох байх.

Амар