“Пёнчан-2018” өвлийн олимпод хоёр Солонгос нэг далбаан дор оролцоно

 

Ирэх сард Өмнөд Солонгосын Пёнчан хотод болох өвлийн олимпын наадмын нээлт, хаалтын ёслолд хоёр Солонгос нэг далбаан дор хамтдаа алхаж оролцхоор тохиролцжээ. Өөрөөр хэлбэл, тус хоёр улс нь Солонгосын хойгийн зураг бүхий далбаан дор энэ олимпын нээлт, хаалтын арга хэмжээнд оролцох ажээ. \”Ёнхап” агентлагийн мэдээлснээр, хоёр Солонгосыг заагладаг хилийн бүс дэх Панмүнжом тосгоны Өмнөд Солонгосын талын хэсэгт тус хоёр улсын төлөөлөгчид лхагва гарагт буюу өчигдөр хэлэлцээ хийх үеэрээ ийм тохиролцоонд хүрсэн байна. 

Умард Солонгосын тамирчид ирэх сарын 1-нд, хөгжөөн дэмжигчид, сэтгүүлчид болон бусад албаны хүн нь ирэх сарын 7-ны өдөр Өмнөд Солонгост газраар явж очих юм байна.