![\"\"](http://undesten.mn/uploads/posts/2015-11/1447726792_olloo_mn_1424489199_darhan.jpg "\\"\\"")
Сүүлийн өдрүүдэд нийт нутгаар цас орж цасан шуурга шууран эрс хүйтэрсэн. Үүнээс болж орон нутгийн замуудад халтиргаа гулгаа ихэсчээ. Мөн зарим аймагт зам даваа их хэмжээний цаснаас болж хаагдсан нөхцөл байдал хүнд байгаа талаар аймгуудын Онцгой байдлын албанд мэдээлэл ирсээр байгаа аж. Хамгийн сүүлийн үеийн мэдээллээр Баруун чиглэлд Баянхонгор-Улаанбаатар чиглэлийн замын гадаргуу мөсөн бүрхүүл тогтсон, хальтиргаа гулгаа ихтэй байгаа талаар мэдээлэл ирлээ.
Мөн Завхан аймгийн Тосонцэнгэл сумаас Улиастай хүртэл замын нөхцөл хүнд, зам даваа хаагдсан байдалтай байгаа учраас аймгийн Онцгой байдлыг газар хуралдаж байна.
Ус цаг уур орчны шинжилгээний хүрээлэнгээс мэдээлснээр, зүүн чиглэлд Сүхбаатар аймгийн нутагт ЦАСАН шуургатай, үзэгдэх орчин хязгаарлагдмал, хойд чиглэлд одоогоор цаг агаар тогтуун замын гадаргуу мөсөн бүрхүүл тогтсон, өмнө чиглэлд салхитай, хүйтний эрч чангарсан бага зэргийн явган шуургатай байгаа аж.
