![\"\"](http://undesten.mn/uploads/posts/2016-01/1453775744_9987f2cbe.jpg "\\"\\"")
Монгол Улсын Ерөнхий сайд Ч.Сайханбилэгийн урилгаар Бүгд Найрамдах Унгар Улсын Ерөнхий сайд Виктор Орбан манай улсад албан ёсны айлчлал хийж байгаа билээ. Айлчлалын хүрээнд хоёр орны Ерөнхий сайд нар албан ёсны хэлэлцээ хийсэн. Хэлэлцээгээр хоёр орны харилцаа, хамтын ажиллагааг өргөжүүлэн хөгжүүлэх, эдийн засгийн хамтын ажиллагааг шинэ шатанд гаргах талаар санал солилцож \”Санхүүгийн хамтын ажиллагааны ерөнхий хөтөлбөрт”-т гарын үсэг зурсан байна. Ингэснээр Унгар улсын Засгийн газрын хөнгөлөлттэй зээлээр \”Биокомбинат” Төрийн өмчит үйлдвэрийн газарт техник, технологийн иж бүрэн шинэчлэл хийх ажлын явцыг эрчимжүүлэх, малыг эрүүлжүүлэх, халдварт өвчнөөс урьдчилан сэргийлэх ажилд томоохон ахиц гарах юм.
Монгол Улсын Ерөнхий сайд Ч.Сайханбилэг хоёр улсын хооронд махны экспортыг хөгжүүлэх, мах, махан бүтээгдэхүүн боловсруулах үйлдвэрлэл хөгжсөн Унгар улсын туршлагыг судлан хамтран ажиллах сонирхолтой байгаагаа илэрхийлэв. Түүнчлэн \”Биокомбинат” Төрийн өмчит үйлдвэрийн газрын иж бүрэн шинэчлэлийг хийх болсны дагуу цаашид энэ бүсэд Унгар улстай хамтран мал аж ахуйн гаралтай түүхий эд боловсруулах цогц комплекс бүхий дагуул хот байгуулах боломжтой талаар хоёр орны Ерөнхий сайдууд ярилцсан байна.
