УИХ-ын эмэгтэй гишүүд Д.Гантулга, Д.Мурат нарыг эгүүлэн татах нь зүйтэй гэсэн байр суурьтай байгаагаа илэрхийлж, сэтгүүлчдэд мэдээлэл хийлээ. Хэвлэлийн хуралд Ц.Цогзолмаа, М.Билэгт, Д.Оюунхорол, Н.Оюундарь, А.Ундармаа нар оролцсон юм. Хари. М.Оюунчимэг, Д.Сарангэрэл, Ц.Гарамжав нарын гишүүд оролцсонгүй.
Мэдээллийн эхэнд УИХ-ын гишүүн Д.Оюунхорол “УИХ-ын нэгдсэн чуулганаар хоёр гишүүнийг түдгэлзүүлэх асуудлыг хэлэлцэх гэж байна. Энэ цаг үед УИХ-д сонгогдсон эмэгтэй гишүүдийн зүгээс хоёр гишүүнийг бүрэн эрхээ түдгэлзүүлээд хууль, хяналтын байгууллагаар үнэн зөвөө тогтоолгох нь зүйтэй гэсэн байр суурьтай байгаа. Эмэгтэй гишүүдийг хүчирхийлсэн хэрэгт холбогдсон ийм цаг үед Монголынхоо нийт эмэгтэйчүүдийн дуу хоолой болж, хууль шүүхийн өмнө тэгш байх ёстой гэдэг зарчмыг баримталж байна” гэж тодотгосон юм.
УИХ-ын гишүүн Н.Оюундарь “Дөнгөж сая Хууль зүйн байнгын хорооны хуралдаанаар шийдвэр гаргаж, хоёр гишүүнийг түдгэлзүүлэх асуудлыг хэлэлцэж дэмжсэнгүй. Эмэгтэй гишүүдийн зүгээс Гэр бүлийн хүчирхийлэлтэй тэмцэх хууль дээр ажилласан гишүүдийн хувьд нийгэмд гарч байгаа хүчирхийллийг зогсоохын тулд төрийн түшээ болсон. Хуулийн өмнө хэн ч байсан тэгш эрхтэй байдаг. Тэр утгаараа хоёр гишүүнийг бүрэн эрхээс нь түдгэлзүүлж, хуулийн байгууллагаар эцэслэх нь зүйтэй гэж бодож байгаа юм”
УИХ-ын гишүүн Ц.Цогзолмаа “УИХ-ын гишүүний бүрэн эрхийн тухай хуульд гишүүн болсноороо хууль зөрчсөн, нийгэмд буруу үйлдэл гаргаснаа гишүүний бүрэн эрхийн дор далдлах оролдлогыг парламентын түүхэнд гаргах ёсгүй. Нөгөөтэйгүүр УИХ-ын гишүүнээр сонгогдох насны босго тавих ёстой гэж үзэж байгаа юм. Магадгүй зарим хүмүүс залуу насны алдаа гэж ярих гээд байх шиг байна. төр төлөөлнө гэчээд ёс зүйн алдаа гаргаж болохгүй. Тиймээс бид энэ асуудалд парламентын гишүүдийн төлөвшлийг сайжруулах асуудлын хүрээнд ёс зүй, нас, төгөлдөршүүлэх чадвартай, чансаатай хүмүүс сонгогдох нь төрийн нэр цэвэр байх ёстой гэж бодож байна. залуу хүн алдсан гэж өмгөөлөх боломжгүй байхгүй. Бид бол ээжүүд, эхчүүд, эмэгтэйчүүд.
УИХ-ын гишүүн А.Ундраа “Энд бид хүний эрх, эмэгтэйчүүд, охидын төлөө бид өнөөдөр энд зогсч байна. УИХ-ын гишүүний бүрэн эрхээсээ түдгэлзэж байгаад ёс зүйгүй үйлдлийг ямар нэг байдлаар хаацайлсан шийдвэр битгий гаргаасай, эрэгтэй гишүүд маань
УИХ-ын гишүүн М.Билэгт “Хууль зүйн байнгын хорооны шийдвэрийг хараад сэтгэл их өвдлөө. Хүн алдсан байж болно, залуу насны алдаа ч байж болно. Өөрийнхөө буруугүйг хуулийн байгууллагаар шалгуулаад, гэм буруугүй гэдгээ тодруулаад ирэх ёстой байсан. УИХ-ын гишүүд Монгол Улсын 3,3 мянган иргэний төлөөлөл болсон 76 гишүүн хамгийн ёс зүйтэй, ард түмэндээ аав, ээж шиг сэтгэлээр ханддаг хүн төрийн тэргүүнээр сонгогдох ёстой. Сэтгэл эмзэглүүлж байгаа зүйл нь эмэгтэйчүүдийг дарласан, доромжилсон асуудлаар шалгагдах асуудал гарч байхад шалгуулаад ир гэхийн оронд эрхийг нь түдгэлзүүлэхгүй гэсэн дүгнэлт гаргаж байгаа эрэгтэй гишүүдэд харамч байна. Эмэгтэйчүүдийн төлөө, охидын төлөө хүчирхийлэлд автахгүй төлөө зөв үнэнийг шалгуулаад ирэх боломжийг парламентын гишүүд олгох байх гэдэгт итгэж байна” гэсэн байр суурийг илэрхийлцгээсэн юм.
Эмэгтэй гишүүд: Д.Гантулга, Д.Мурат нарыг эгүүлэн татах ёстой гэв
}
Шинэ мэдээ
