Легенд компанийн эзэн Лео буюу С.Баярцогтын хачин сонирхол

 

 

 

 

Сая доллар гадаад
дансанд мартаж амьдарна гэдэг хэн хүний хүсдэг, биелдэг мөрөөдөл биш. Гэхдээ
энд түүний энэ сонирхлын талаар бус өөр нэгэн сонирхлын талаар дурдах гэсэн юм.
Хүмүүсийн хүүхэд насанд л байсан энэ нэгэн сонирхол С.Баярцогтод одоог хүртэл бий
бололтой. Эсвэл ерөөсөө бүх мөрөөдлөө биелүүлсэн хүн хүүхэд насны хүслээ
гүйцээдэг юм болов уу. Ямартай ч, англи хэлний анхан шатны мэдэгдэхүүнтэй
басхүү хүүхэд насны хүсэл мөрөөдөлтэй бизнес эрхлэгч байна гээд төсөөл. Тийм хүн мөрөөдлийн англи нэртэй компанийнхаа нэрэнд legend-домог, plus-нэмэх, нэмэлт, capital- хөрөнгө, limited-хязгаарлагдмал, хязгаартай хэмээх англи үгсийг
ашиглах нь лавтай.

 

 

 

Бас өөртөө мөрөөдлийн гадаад нэр өгөхдөө Leo-Лео хэмээх нэрийг ашиглах байх. Өсвөр
насныхан их хэлнэ дээ, Лео хэмээх нэр ихэвчлэн анимейшн хүүхэлдэйн кинонд гардаг
нэлээд царайлаг, баатарлаг, сайхан залуу байдаг гэж. Өсвөр насныхан бүгд тийм
залуу болохыг хүсдэгээ ч нуухгүй байх. Харин насны намраа үзэж буй, 90-ээд
оныхны хэлдгээр \”өвөө”-д ийм хүсэл байна гэж ёстой төсөөлсөнгүй. Тэр дундаа ЗГХЭГ-ын
дарга, УИХ-ын гишүүнд маань өсвөр насны хүүгийн дээрх хүсэл байх юм.
С.Баярцогтын хувьд тэрбээр Швейцарийн нийслэл Цюрих хот дахь тус улсын хамгийн
том банк \”Credit Suisse”-д \”Legend Plus Capital Limited” компанийн нэр дээр 1 сая гаруй ам.доллар
хадгалаастай байсныг олон улсын сэтгүүлчид ил болгосон. 

 

 

\”Legend Plus
Capital Limited” нь Их Британийн
Виржинийн аралд бүртгэлтэй, Хонконгоос үйл ажиллагаа нь явдаг оффшор компани бөгөөд
энэ компанийг С.Баярцогт 2008 онд Сангийн сайд болохоосоо өмнө өөрийн гараар
байгуулсан. \”Саалиа бэлдэхээр саваа бэлд”-сэн түүний домогт компани энэ. Харин
Швейцарийн банкинд хадгалаастай 1 сая гаруй ам.долларын асуудалд С.Баярцогт
хэмээх нэр холбогдонгуут ЗГХЭГ-ын дарга маань Leo Shiu /Лео Шиу/ хэмээх хуурамч Хонконг нэр өөртөө өгч, энэ нэр дээр мөнгөө
шилжүүлжээ. Хонконг, Хятад нэр хоорондоо ялгаатай, Их Британийн колони байсан
гэдэг утгаараа Хонконгчууд Жеки Чан, Саймон Ям мэтчилэн урдаа дандаа англи
нэртэй байдаг. Олон улсад гарахын тулд урдаа англи нэр авдаг ёсон ч бий. Тэрбум гаруй хүн
амтай улсаас ямар ч нэр авч болох ч Leo Shiu хэмээх нэр бараг байдаггүй юм.

 

Тиймдээ ч Shiu/Shao/ хэмээх Хятадын хамгийн нийтлэг овог буюу хүн
амынх нь 86 хувьд нь байдаг гэр бүлийн овгийг хойноо залгасан ч нэг л эвлэхгүй, өөр сэтгэхүй үнэртээд байна. Хонконгоос үйл ажиллагааг нь явуулдаг Хятад компанийн эзэн Хонконг нэртэй байж яагаад болохгүй гэж. Ингэсэн учраас л оффшорын мэдээлэлд Монгол Улс гэсэн ангилалд С.Баярцогт буюу Лео Шиу ороогүй Хятад Улс гэсэн ангилалд орсон байх. Гэхдээ л legend-домог, leo-лео хэмээх хүүхэд сэтгэхүйнээс гардаг эдгээр үгс нэг л хүний санаанаас урган гарч, өөрөө өртөө өгсөн нэрнүүд болоод байгаа юм даа.