Оны шилдэг байгууллагуудад батламж гардуулах BEST OF MONGOLIA – 2018 ёслолын үйл ажиллагаа долоо дахь жилдээ амжилттай зохион байгууллагдлаа. Энэхүү шалгаруулалт нь олон нийтээс цахимаар санал авч шилдэг байгууллагуудыг шалгаруулдаг бөгөөд 2018 оны санал асуулга 11 дүгээр сарын 25-наас 12 дугаар сарын 25-ныг хүртэл www.bestofmongolia.mn сайтаар явагджээ. Уг олон нийтийн санал асуулгад 1150 байгууллага 68 номинацид өрсөлдөж, давхардсан тоогоор нэг сая гаран хэрэглэгч саналаа өгч шилдэгүүдээ шалгаруулсан байна.
“BEST OF MONGOLIA – 2018” оны шилдэг байгууллагыг шалгаруулах цахим санал асуулгад Монгол Улсын Их Сургууль “Оны шилдэг улсын их сургууль”-иар шалгарчээ.
