С.Баярцогтыг нэр дэвшигчийн шаардлага хангасан эсэхийг шалгуулахыг хүсэв

 

ЗГХЭГ-ын дарга С.Баярцогтын дансандаа мартсан нэг сая ам.доллар хээл
хахуулийн мөнгө байж болзошгүй гэж Швейцарийн ерөнхий прокурорын газрынхан үзэж
байгаа ажээ.

Мөн тэрбээр \”Кредит сүис” банкинд их хэмжээний мөнгө байршуулахдаа гарал үүсэл,
эх үүсвэрийг нь нуун дарагдуулсан учраас шалгаж тодруулах нь зүйтэй гэж үзсэн
байна. С.Баярцогтын хувьд \”Кредит Сүис” банкинд нэг сая ам.доллар байршуулахдаа
гурван найзын хамт данс нээсэн гэх тайлбарыг өгдөг. Гэхдээ хамгийн хачирхалтай
нь тэрбээр гурван найзынхаа нэр ус болон холбогдох нэмэлт мэдээллийн талаар огт
ам нээлгүй явсаар өдий хүрсэн юм. Энэ мэт ойлгомжгүй асуудал олон байгаа учраас
Швейцарийн ерөнхий прокуророоос Монголын томоохон улс төрч, бизнесмэн ямар
шугамаар олж авсан мөнгөө тус банкинд хадгалж байсныг тогтоох нь зүйтэй гэж
үзсэн бололтой юм.

Энэ тухай Швейцарийн сонинд томоохон нийтлэл гарсан бөгөөд энэ нийтлэлд дурдсан ноцтой мэдээлэл нь С.Баярцогтын оффшор дансандаа мартсан
нэг сая.доллар нь Монгол Улсын газрын баялгийг \”Рио Тинто\” компанид
ашиглах боломж олгосны хахууль байж магадгүй хэмээн сэжиглэж байна гэж
Швейцарийн төв хэвлэлд дурджээ.

Ийм асуудалд оролцсон хүн сонгуульд нэр дэвшиж болдог эсэх. Мөн УИХ-д
сонгогдсон тохиолдолд гишүүний тангараг өргөх нь хуульд болон шударга үнэнд
нийцэх үү талаар шалгуулахаар \”Дархан Монгол\” нэгдлээс Сонгуулийн ерөнхий хороонд хүсэлт өгчээ.