![\"\"](http://undesten.mn/uploads/posts/2016-06/1467184447_1464682245_700dadfa94430dd5afbe8cf222e61c44.jpg "\\"\\"")
\”Эрдэнэт\” үйлдвэрийн 49 хувийг Оросын талаас худалдан авч, Худалдаа хөгжлийн банкинд өгч буй үйл явдлын талаар Ерөнхий сайд Ч.Сайханбилэг өчигдөр орой мэдээлэл хийхдээ \”Эрдэнэт үйлдвэр 100 хувь Монголынх болж байна\” гэж хэлсэн. Тэгвэл түүний энэ мэдэгдлийг МАН-аас эрс буруушааж, Худалдаа хөгжлийн банк нэрийн дор тус банкины ихэнх хувийг эзэмшдэг гаднын хөрөнгө оруулагчдад өгч буй тухай мэдэгдсэн.
Үүний араас МАХН-ын дарга Н.Энхбаяр болон З.Баянсэлэнгэ, Ц.Оюунбаатар нар гишүүд өөрсдийн байр сууриа илэрхийллээ.
Энэ үеэр Н.Энхбаяр \”Биднийг олон жил тэжээсэн Эрдэнэт үйлдвэр гаднын нэг компанийн мэдэлд очих гэж байна. Эрдэнэт үйлвэрийнхэн, Эрдэнэтчүүд цочролд орсон байна. Саалийн үнээг маань хулгайлж байна\” гэсэн юм.
Харин УИХ-ын гишүүн З.Баянсэлэнгэ \”Оросын эзэмшдэг 49 хувийг Монголын тал буюу Засгийн Газар авах ёстой. Түүнээс нууцаар шийдэж, аль нэг банкинд өгөх ёсгүй. Тэр тусмаа гадны хөрөнгө оруулалттай банкинд. Ард түмэнд ашигтай гэрээг бид 100 хувь дэмжинэ\” гэв. Мөн тэрээр \”Эрдэнэт үйлдвэрийг гадны компанид өгч байгаагаа Ерөнхий сайд нуусан, УИХ-д оруулаагүй. Цаана нь луйвар явагдаж байна. Өнөөдөр энэ талаар хэвлэлийн бага хурал хийлгэсний дараа Ц.Элбэгдорж, Ч.Сайханбилэг Н.Энхбаяр даргыг заналхийллээ\” гэв.
Нинж
![\"\"](http://undesten.mn/uploads/posts/2016-06/1467184419_logo.jpg "\\"\\""){kind=logo}
