Банкуудын хүү буух янзгүй байна

373 2017/01/10 0

Монголбанкны зүгээс оны өмнөхөн бодлогын хүүгээ нэг хувиар буулгасан билээ. Гэвч түмэн олон Шинэ жилийн баярт гол анхаарлаа хандуулаад энэхүү мэдээлэлд ердөө ч ач холбогдол өгсөнгүй. Учир мэдэх нэгний яриагаар бол бодлогын хүү багасч буй тохиолдолд арилжааны банкуудын хүү буух боломж нээгдэж байгаа аж.

Хэрэвзээ банкуудын өндөр хүү бага ч атугай буувал өрөнд баригдсан олон мянган харилцагчдын магнай тэнийх нь гарцаагүй юм. Гэсэн хэдий ч Хас банк л саяхан хүүнийхээ дээд хязгаарыг хоёр хувь болгон бууруулж зээлдэгч нарыгаа харж үзжээ. Бусад нь таг чиг. Нөгөө "Хөгжил дэвшилд хамтдаа”, "Эрхэм таны итгэлт анд”хэмээн уриалдаг томоохон банкууд өндөр хүүтэй хэвээрээ байна. Угтаа бол Хас банкны хүүгээ бууруулснаас харахад, боломжгүй зүйл үгүй мэт санагдана.

Хамгийн гол нь банкуудад үйлчлүүлэгч хаан, бид бүхэн түүнд л үйлчлэх ёстой гэсэн зарчим алдагдаад удаж байгаа билээ. Эдийн засгийн хямралаас үүдэн банкны өндөр хүүнд дарлуулж буй харилцагчид маань ингэхэд хэзээ нэг урмын үг сонсож, "таны банкны хүү буурлаа” гэх мэт иймэрхүү сайхан мэдээг хүлээн авах нь харин эргэлзээтэй хэвээр байна. Гэхдээ л аливаа найдвар хамгийн сүүлд мохдог гэдэг шиг ирж буй Цагаан сарын өмнө зарим нэг арилжааны банкууд зангараг гаргаж хүүгээ буулгаасай хэмээн горьдогсод ч олон байгаа даа.

Ч.Баяр

Эх сурвалж: ugluu.mn

АНХААРУУЛГА: Уншигчдын бичсэн сэтгэгдэлд www.UNDESTEN.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9605-1575 утсаар хүлээн авна.
Сэтгэгдэл бичих
Нэр:*
Сэтгэгдэл:
Та сэтгэгдэл бичихдээ 10 тэмдэгдээс дээш тэмдэгт бичнэ үү.
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Асуулт:
1+1=?
Хариуг энд бичнэ үү:*
НИЙТЛЭЛЧ

САНАЛ АСУУЛГА

Цаазын ялтай орон болохыг дэмжиж байна уу?