"Эрдэнэт"-ийн дээрэм хол явахгүй

11844 2017/02/22 25

 

 

Ардын намынхан коммунист үзлээ гудсан доороо нуусан байжээ. Тэр нь сүүлийн үед цухуйж харагдах боллоо.Өнгөрсөн дөрвөн сарын турш чөлөөт ардчиллын амин сүнс болох иргэдийнхээ сонгох, сонгогдох эрх, оршин суух газраа сонгох эрх, үзэл бодлоо чөлөөтэй илэрхийлэх эрх, шудрага шүүхээр шүүлгэх эрх, өмчлөх эрх зэрэг эрхүүдийн эсрэг дайралт хийлээ!


Олон түмэн "Эрдэнэт"-ийн 49 хувийг ямар ч шүүхийн шийдвэргүйгээр Улсын Их Хурал хураан авч байгааг харан шуугиж байна. УИХ хуулиас гадуур шүүх байгуулан Онцгой комисс шиг ажиллахыг хараад шуугиж байна. Мэдээж энэ бол шүүх оролцоогүй учраас улстөрчдийн гэгээн цагаан өдөр хийж буй "дээрэм" гэдэг нь ойлгомжтой. Тэгээд л шуугицгаасан хэрэг.


Хачирхалтай нь ардчиллын бусад үнэт зүйл бас аюулт халдлагад өртөөд байгааг хүмүүс төдийлөн тоохгүй байна!


"Эрдэнэт"-ийн дээрэм хол явахгүй л дээ! Яагаад гэвэл, явж явж Оросын Засгийн газрын бүрэн эрхт байдалд халдсан хэрэг явдал болчихоод байгаа. Оросын Засгийн газар өөрийнхөө өмч хөрөнгийг мэдэж, захиран зарцуулах эрхтэй. Энэ эрхээ хоёр талын гэрээ хэлэлцээрээр баталгаажуулсан байж таараа. Гэтэл Монголын тал үүнийг мэдсээр байж, тэгээд өөрийнхөө Үндсэн хуулийг зөрчин байж, хууль ёсоо огоорсон улстөрийн зорилготой шийдвэр гарган байж, найгүй доош нь хийж байна шүү дээ! Ийм байдлыг тэвчих нь юу л бол.


Нөгөөтэйгүүр, Оросын тал хувийн өмчийн эрхийг ямар айхтар хамгаалж байгаагаа дэлхий даяны хөрөнгө оруулагч нарт харуулах сайхан боломж. Харин, Монголоос хөрөнгө оруулагч нар дайжих нь ойлгомжтой. Жаргалсайхан энэ тухай анхааруулаад байна шүү дээ!


Ерөнхийлөгч Элбэгдорж хэлсэн үгээрээ Монголын төр бүхэлдээ дээрэмчид болчихоогүй юм байна гэдгийг олон улсад харуулан цайруулахаар оролдлоо. Юутай ч хөрөнгөө дээрэмдүүлсэн талууд нийлж заргалдах нь тодорхой. Оросын Засгийн газар Монгол хүний хувийн өмчийн эрхийг Монгол Улсын Их хурлаас хамгаалах нь ээ! Шүүхээс гадуур хийгдсэн илтэд дээрэм учраас олон улсын шүүх дээр ялах нь тодорхой.


Гэтэл, бусдын зүгээс дэмжлэг хамгаалалт байхгүй, Ардын Намын довтолгоонд өртөөд байгаа нөгөө эрхүүд маань яах билээ! Олон түмэн хаана байна вэ?


Орон нутгийн сонгуулиар 70 гаруй сум, нэг аймаг, гурван дүүрэгт Ардчилсан Нам ялалт байгуулсан. Тухайн орон нутгийн иргэд хэн нэгний албадлага хавчлагагүйгээр, чөлөөт сонгууль өгөх эрхээ эдлэн Ардчилсан Намд саналаа өгсөн. Гэтэл сонгогчдын Ардчилсан Намд олгосон эрх мэдлийг Ардын Нам, бас гэгээн цагаан өдөр булаан авч байна.


Хөдөө орон нутгийн иргэдийг нийслэл хотод шилжин суурьшиж амьдрах эрхийг хязгаарлаж байна. Утаа, хөрсний бохирдлоор далимдуулан муйхарлаж байна. Нэгнийх нь эрхийг хамгаалахын тулд нөгөөд нь тавьдаг стандартын шаардлагыг эрхийг нь зогсоох асуудал болгон хувиргачихлаа. Зүйрлэвээс, олон нийтийн газар тамхи татаж болохгүй гэх учиртай атал тамхи татдаг хүнийг олон нийтийн газар оруулахгүй гэсэнтэй ижил муйхарлал. Үүнээс болоод, жишээ нь орон нутгийн иргэн хашааны газар худалдаж аваад бохирдолгүй технологитой орон сууц бариад нийслэл хотдоо амьдаръя гэхэд тийм эрхгүй болжээ! Социализмын үед ингэж байснаа Ардын Нам санажээ.


Арваад хоногийн өмнөөс хэвлэлийн эрх чөлөө рүү дайрч эхэллээ. Ер нь Ардын намынхан 90-оноос хойш хэвлэлийн эрх чөлөөг арайхийн тэвчиж ирсэн. Өнөөдөр тэд, хууль тогтоох эрх мэдэлд үнэмлэхүй олонхи болсон боломжоо ашиглан чөлөөт хэвлэлийг эрүүгийн хуулийн барьцаанд аргамжихаар шийджээ. Эрүүгийн хуульд, сэтгүүлч гэдэг мэрэгжлийн нэрийг нь тусгайлан зааж хариуцлага хүлээлгэх өөрчлөлт оруулах аж.


Хүний нэр төр, алдар хүндийг хамгаалах нь хуулийн үүрэг гэдгийг одоо хэн ч мэднэ. Бусдыг үндэслэлгүйгээр гүтгэн гутааж байгаа хэнбугай ч зөвхөн сэтгүүлч гэлтгүй хуулийн өмнө учруулсан хохиролтойгоо нийцэх хариуцлага хүлээдэг байдал хэвшээд удаж байгаа. Ийм байтал сэтгүүлчийг мэргэжлээр нь гадуурхан, тусгайлан яллах асуудлыг өнөөдөр шинээр сөхөн, хуульд нэмж оруулах гэж байгаа нь хувийн өмчийг улс төрийн зорилгоор булаан авч буйтай зэрэгцсэн аюултай, алсын хараатай улс төр.


Харин манай сэтгүүлчид капиталистуудыгаа бодвол эрхээ, бизнесээ хамтын хүчээр хамгаалахаа мэддэг хамаагүй ухаалаг юм. Сэтгүүлчийг мэргэжлээр нь барьцаалан дарамтлах гэсэн улс төрийг сэтгүүлчид нийлээд эсэргүүцэн тэмцэлдэж байна.


Харин капиталистууд нэгнийх нь өмчийг шүүхийн бус журмаар, шууд улс төрийн зорилгоор, олигархиуд дээрэмдэж байхад битүүхэндээ баярлалдаж байх маягтай юм. Зарим том капиталистууд олигархиудыг араас нь дохин өөгшүүлсэн гэнэ. Эргээд өөрсдийнх нь өмч хөрөнгө рүү халдах үүд хаалга нээгдэж буйг сэхээрэхгүй байна.


Капитализм үүссэн цаг үеэс, капиталистуудыг олигархиуд мөлжиж дээрэмдэж ирсэн. Капиталистууд баялаг бүтээж, олигархиуд түүнийг нь байнга төрийн хүчээр булааж байлаа.Түүнийг нь коммунистууд үзэл санаагаа болгон үргэлжлүүлсэн билээ.

Нэгийг нь дээрэмдээд нөгөөг нь орхиж байгаагүй. Цэнддоо анхааруулаад байна шүү дээ! Бүгдийг, ээлж ээлжээр нь салгаж байгаад дээрэмдэж ирсэн түүхтэй.


Харамсалтай нь, манай капиталистууд атаархлаа өрсөлдөөн гэж ойлгож явдаг мунхаглалаасаа болоод олигархиудад бариулж идүүлэх нь ээ. Капиталистууд харанхуй мунхаг байсан үеийг зэрлэг капитализм хэмээн нэрлэсэн байдаг юм. Арчаагүй капиталистууд өмчийн эрхээ хамгаалан хамтран тэмцэхгүй бололтой. Тэгэхээр чөлөөт ардчилсан үзэлтнүүд тэмцэхээс өөр аргагүй. Өмчийн эрх гэдэг бол чөлөөт ардчилсан нийгмийн үнэт зүйл учраас!


Нийгмийн үнэт зүйл гэдэг юу вэ? Энэ бол тухайн нийгмийг тийм нийгэм байлгаж байгаа тэр зүйл. Үнэт зүйл бол нийгмийн байгууллын хэлбэрээ хадгалах тулах багана нь юм. Үнэт зүйл нь үгүй болоход тэр нийгмийн байгуулал нуран унадаг зүй тогтолтой.

Жишээ нь, социалист нийгмийн үнэт зүйл нь хувийн өмч болоод түүн дээр суурилах бизнэсийн эрхийг устгах явдал. Бизнэс эрхлэх явдлыг мөлжлөг гэж үздэг. Бас марксист суртлаас өөр хувийн үзэл бодол, итгэл үнэмшил, сүсэг бишрэлтэй байхыг хориглодог. Энэ мэтээр ер нь хувь хүний эрх, эрх чөлөө социализмд онцгой цээртэй зүйл бөгөөд нийгмийн эрх ашгийг туйлчлах нь үнэт зүйл нь бөлгөө. Өөрөөр хэлбэл, дарангуйлал, захиргаадалт үнэт зүйл нь. Хэрэв хувь хүн эрх чөлөөтэй болбол социализм нуран унадаг.

Үүний эсрэгээр, чөлөөт ардчилсан нийгмийн үнэт зүйл бол хувь хүний эрх, эрх чөлөө. Хувь хүний эрх, эрх чөлөө уствал ардчилсан нийгмийн байгуулал шууд нуран унаж, боолчлолын нийгэм тогтоно.


Ийнхүү сайтар тунгаан бодвол чөлөөт ардчиллын үнэт зүйл рүү Ардын Нам дайрч байгаа нь чөлөөт ардчилсан нийгмийг устгах ажилдаа оржээ гэсэн дохио.


Сүүлийн хэрэг явдлуудыг харахнээ Ардын Нам, Монгол улсын шүүх тогтолцоог жагсаалаас гаргах ажлыг эхлүүлэн Улсын Их Хурлыг Онцгой комисс маягийн байгууллага болгон хувиргаж байна. Гишүүдийнх нь үг яриа улам бүр Онцгой комиссын ажилтнууд шиг болж байна. Өнөөдөр тэдэнд дэмжлэг үзүүлэх Шинэ Коминтерн дутаж байна.


Сүхбат, Гарамжав нарыг харвал коминтерний гар хөл болчихоор хэнхэгтэй ногоон малгайтнууд бэлэн зэхээтэй байгаа биз?! Үг хэлэх гэж хорслоор бөөлдөг хүмүүс угаасаа садистууд байдаг юм. Коминтернийхан ийм садистуудыг ногоон малгай өмсүүлэн 40-өөд мянган Монголчуудыг егүүтгэсэн юм.

Ийм үед ардчиллынхан хариуцлагагүй байгаа. Үнэт зүйлийг нь балбаж байхад сэтгүүлчид, Баабар.мн-ийнхэн, эрх мэдлээ булаалгаж буй орон нутгийнхан зэрэг цөөхөн этгээдийг эс тооцвол бусад нь тоомжиргүй байна. Ардчилал нуртлаа хаа юм гэж бодоод байх шиг байна.


Тийм биш. Дарангуйлал, би дарангуйллаа гэж хэлж ирдэггүй. Алсаас гэтэж ирдэг. Цаг нь болохоор ганц үсрээд ардчиллыг барьж амийг нь тасална.

Туркийн ардчилал яаж амь тавьж байгааг хар л даа. Хэдэн жилийн өмнөөс гэтэж байсан дарангуйлал цаг нь болонгуут ганц үсрээд л хоёр сарын дотор ардчиллыг устгалаа. Хэдийнээс, үнэт зүйл рүү нь гэтэн зулгааж байхад чөлөөт ардчилсан үзэлтнүүд нь тоомжиргүй байсан юм. Одоо тэмцэх зүрхтэй ардчилагч байхгүй.

Туркэд болсон шиг дарангуйллын Гэтэлт одоо манайд эхэлчихээд чөлөөт ардчиллын үнэт зүйлүүдийг нэг нэгээр нь зулгааж байна.

Ядахдаа олон улсын байдал ардчилалд халгаатай үедээ орчихлоо. Дэлхийн 2-р дайны өмнөх үетэй адил нөхцөл байдал үүслээ. Харизмтай дарангуйлагч нарын эрин үе эхлээд байна.

Тийм учраас би, Ардчилсан намын 7-р Их хурлын индэр дээрээс үнэт зүйлсээ хамгаалан тэмцэхийг уриалаад байгаа юм. Дарангуйллыг Гэтэлт дээр нь намнах хэрэгтэй. Эс тэгвэл, эгзэг таарсан үед нь Ардын Нам Улсын Их Хурлыг Туркийн парламент шиг болгоод дараа нь Онцгой комиссын ажил хийлгэхээр байна.


Олигархи төр цөөнхийн гарт байдаг. Тийм учраас УИХ-ыг Онцгой комисс болгох бол цаг нь болохоор алга урвуулах мэт хялбар. Сая нэг удаа яг Онцгой комисс шиг ажиллахыг бүх нийтээрээ харлаа.

Шүүх эрх мэдэл үнхэлцэг нь хагарчихаад таг дуугүй. Шүүхээс гадуур хэнийг ч шүүж болохгүйг тэд мэднэ шүү дээ. Ингэх нь ямар аймшигт хүргэдгийг хэлмэгдүүлэлтийн түүхээс тэд харсан шүү дээ. Шүүх эрх мэдэл алдагдаж байгаа нь дарангуйлал гэтсээр хаяанд иржээ гэдгийг сануулаад байна аа!


Тэгэхээр цаг алдалгүй тэмцэлд босоцгоон УИХ-ыг эгнэгт Онцгой комисс болчихоос нь урьтаж, түүнийг хянан номхотгох Ардын Их Хурлыг байгуулах хэрэгтэй!


Ардчиллын үнэт зүйлсээ хамгаалан Цэнддоо, Жаргалсайхан нартай нэгдэцгээе! Үр хүүхдүүдээ дарангуйллын аюулаас хамгаалан тэмцье! Бид болохоор эрх чөлөөтэй амьдарчихаад үр хүүхдүүд маань боолчлолд зовбол ёстой жудаггүй хэрэг болно.


Э.Бат-Үүл

АНХААРУУЛГА: Уншигчдын бичсэн сэтгэгдэлд www.UNDESTEN.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9605-1575 утсаар хүлээн авна.
Сэтгэгдэл бичих
Нэр:*
Сэтгэгдэл:
Та сэтгэгдэл бичихдээ 10 тэмдэгдээс дээш тэмдэгт бичнэ үү.
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Асуулт:
4+4=?
Хариуг энд бичнэ үү:*
  • zailj uz
  • 2017/02/22 11:46
Yu shaaagaad bgaa zonog sdak ve? uug n chi shorond huuteegee suugaad hulgaalsan mongoo tolood bj bh gazar.end ingej hutsaj bgaan ardchilaliin gavya ymdaa...Bas ET-nhaa luivriig omooroh yanztai.uls avaad ard tumendee huvaaj ogoh n zov za.
  • lol
  • 2017/02/22 12:51
Анх Социйн үеийн удирдлагуудыг тусгай хангамж эдэлж байна, тэрийг нь устгана адил тэгш эрхтэй болгоно гээд гарч ирж байснаа мартсан биздээ Үүл гуай. Чиний өөрийн тусгай хангамж хөөрхий хуучны дарга нарын зүүдэлж ч байгаагүй тансаг болсон байхад ханаж цадахаа мэдэхгүй идэж ууж байгаад , одоо гэнэт ухаан орооо юу. Та нарын бие биесээ булаацалдах эрх мэдлийн төлөө хичнээн гэмгүй ард иргэд жагсаж тэмцэж буудуулах ёстой вэ. Та нарт ард түмэн итгэсэн боломж олгосон, одоо болсон байхаа.
  • Damiran
  • 2017/02/22 12:52
uls edlekh jostoi baisan davuu erhiig tanai ter luivarchin Saikhanbileg chin edluuleeguig l huuliin heregjiltiig hanguulakh UIHural zasaj zalruulj odoo jinkhene utgaaraa edlesniig yu n kommunist uzel muzel ve?uuruu nileed zunugluud bna uu ugui yu?
  • Батдорж
  • 2017/02/22 13:18
Бат үүлээ бусдыг тэнэг гэж бодоо юу. Монголын ард түмэн бүгд тэнэг, луйварчин болчихсон юмуу. Би уг нь батүүлийг үнэхээр чин сэтгэлээсээ дэмждэг байсан юм даанч яав даа. Эрдэнэтийн 49 бол зүгээр ард түмэнд очих ёстой. Та нар тэр 51 хувиараа улс орноо хөгжүүл. Ард түмэнд тэр 49 очих ёстой барьцаа нь 49 хувь. хөрөнгө оруулалтыг барьцаа нь байна хаана бол хаана байна. Харин үхэх гээд байвал тэр халзан, орхон хоёрыг ТУЗ аар нь тавил даа.Гэхдээ ард түмнийг төлөөлж шүү.
  • kkk
  • 2017/02/22 18:00
yu hutsaad baigaa pizda be
  • шударга
  • 2017/02/22 18:26
Бат-Үүлээ чиний зөвхөн ногоон уут болгож хаясан мөнгийг тооцвол юу болох бол. Хамаг юмыг тонож дээрэмдэж хаячихаад сэтгэл чинь бас л ханахгүй бна уу. ямар их аймшиг вэ? Маш ойлгомжтой юман дээр хамгаалж байгааг хар. Ямар хүмүүс байсныг.

Та нар шиг ханаж цаддаггүй луйварчдаар төр бариулж байсан ард түмэн минь үнэхээ гэнэхэн. Гэхдээ ард түмнээр минь битгий тоглоод бай. Бүгдийг тэнэг гэж бодоод бна уу
  • Зочин
  • 2017/02/22 22:45
Батүүлээ чи одоо больдоо ,элбэгдорж та 2 т одоо хэнч итгэхгүй Сая УИХ дээр элбэгдорж гишүүдийг 1р ангийн хүүхдүүдийг загнаж бгаа юм шиг аашлаад бсан яаж бгаа юм болоо,өөрийгөө хэн байгаад хэн болчихсон гэж бодсон юм бэ
  • Durgui hureed baina
  • 2017/02/23 10:04
AN-iinhan darvalzaj baij olon tumnii durguitsliig hurgeed MAN-hand denduu hojoo oguullee dee, Odoo MAN-iinhan bol AN-iig unendee boomilno, dotroos ni zadalna, sorno, seheehgui ee, yun 4 jil tuunes omno arlga hiine dee, novsh. Muuhai argatai huchin shuu dee, erguu AN-ii leader nertei fracts tolgoilogch maluu daa, ta nar ard tumneer nadsan shuu.
  • Дандар
  • 2017/02/23 11:08
энэ бас хувь Авчихж дээ Луйвйарчин болохоор Луйварчдаа өмгөөлөх юм даа Нөгөө Баас баасандаа ,батгана баасандаа хайртай гэдэг шиг,,,Ардчиллал эрх чөлөөгөөр нэр баригчид
  • Bat-uuliig demjineee
  • 2017/02/23 12:22
End Comment bichsen hvmvvs bvgd mangar batsaanuud bna. Uchraa medehgui burj bna. Bat-vvl mash unen yum yarij bna shvv
  • hehe
  • 2017/02/24 10:58
zaljin etgeed dee
  • АРДЧИЛАЛ ГЭЭЧИЙГ ДЭМЖИГЧ БАЙЛАА
  • 2017/03/02 18:47
ЭНЭ БААГИЙ АРД ТҮМНИЙГ ТЭНЭГ ГЭЖ БОДДОГ ЮМ БАЙХ ДАА.МАРДАЙН УРАН, ТАВТЫН АЛТ, ЭРДЭНЭТИЙГ АРД ТҮМЭНД ӨГЬЕ ТУСГАЙ ХАНГАМЖИЙГ УСТГАЯ ГЭЭД Л БАЙСАН. ОДОО ӨӨРСДӨӨ Л ТАСАРСАН БАЯЧУУД БОЛОО ЮМ БИЗ ДЭЭ.ТА НАР ҮЙЛИЙН ҮРЭЭ ЭДЛЭНЭ ДЭЭ.
  • Дондог
  • 2017/03/03 13:44
Бат-Үүл баатраа ! Луйварчдыг бүү хамгаал ! Нэрэнд чинь муу Эсвэл хамтраад авчихсан юм уу?...
  • nobsh
  • 2017/03/03 14:34
hutsdag muu lalar be ene salga sdak luibardaj absan lalruudiig omoorood ooroo bas hubi abtsiin bna l daa shorond baih hun shuu ene lalar
  • Аагий
  • 2017/03/04 00:05
Тэгээд эрх мэдэлтэй, боломжтой, хамгийн гол нь мөнгөтэй байхдаа улс орныхоо эдийн засгийг сэргээгээд ардчилалын үнэт зарчмыг бүрэн төлөвшүүлэх алхам хийж, хүчирхэг ардчилсан төртэй болоогүй юм бэ, танаас асууя, яагаад ардчилсан гэдэг нам нь сонгогчдоо үл тоон хэзээ ч тэндээсээ буухгүй юм шиг загнасан юм бэ, энэнд та хариулж өг дөө.
  • ойдаа
  • 2017/03/07 18:00
ардчилал гэдэг юмаар баг хийж Монголын ард нийтийн баялгийг төрийн албан тушаал ашиглан луйвардсан байж юун Эрдэнэтийн дээрэм гэж.Үүнээс өмнө Золжаргал та нар Эрдэнэтийн ажилчдын Их хувьчлалын цэнхэр тасалбарыг брокер дилерийн компаниудтай хуйвалдан бүгдий нь авч Улсын их дэлгүүрийг авч ажилчдын хувьчлалд орох эрхийг хасаа биз дээ.49 хувь чинь Монголых болохоос хэн дуртайг нь улсын өөрийх нь мөнгөөр хувийн болго гэсэн үг бишээ.УИХ гэдэг чинь ард иргэдийг төлөөлж байгаа юм шүү.Ардчилсан намын гишүүдийг хэлж байгаа яриа хийж байгаа ажлаар нь энэ АН-ын гишүүн байна гэж хүн бүр таньдаг болсон ш дээ.Та нарын амнаас авч идэх юм л ярихаас улс орон иргэдээ өөд татах юм хэзээч гараагүй гарахч үгүй бизээ.
  • Бат
  • 2017/03/08 18:25
Хол явахгүй нь угаасаа тодорхой.одоо харин дээрэмдсэн байсныг нь илрүүлээд арга хэмжээ авч байна.
  • Зочин
  • 2017/03/14 19:53
За Баатар-үүл минь больж үз. Чам шиг улсын баатар нэртэй луйварчин энэ ертөнцөд байхгүй гэдгийг сана. Чи ард түмнийг битгий доромжил. Байг гэхэд чи энд сэтгэгдэл бичсэн хүмүүсийн хандлагыг нэг хар даа. Тэнэг мал.
  • Зочин
  • 2017/03/21 10:05
Буурал үст лалар хүүдээ тендер өгөх, хүний эхнэрийг ш??ж малгайгаа мартахаас өөр зүйл хийгээгүй.
  • баатарт
  • 2017/03/28 08:14
Харийн дайсантай эх орныхоо төлөө халуун амь бүлээн цусаа урсган тэмцэж байсан эх орончдод Богд хааны зарлигаар БААТАР цол олгож байсан байдаг, Бат-Үүл та ямар гавьяа байгуулсан болоод УЛСЫН БААТАР болсоноо тайлбарлана уу
  • Зочин
  • 2017/03/28 16:51
Луйвар Ардчилал хоёроо салгаж ойлгоорой сохор өвгөн минь. Харалган царайлчихаад ардчиллаар нэр барьж луйварыг өөгшүүлдэг тийм нийгмийг хүмүүс хүсээгүй шүү. Жирийн иргэд луйрчин биш шүү. Ханаж цадахыг мэддэггүй хувалзны чөдөр дөнг монголд тогтоно. Юу дуртайгаа хийнэ. Олигархийн дарангуйлал тогтох үед чамайг уяны нохой болгож, нохойн идэшний сав долоолгох байх шүү. Хөөрцөглөөд байлгүй болгоомжтой л байгаарай.

Би луйварт бүр дассчихжээ. Та минь ээ.
  • zochin
  • 2017/03/31 22:08
ene pisdag barij horiochee ertontsiin hamgiin buzar hun gej ene uul salga togts iig l heleh bih ene hund huuli gedegiig meduuleh heregtei
  • н
  • 2017/04/15 14:56
Бат үүл зайлаа
  • зззз
  • 2017/04/16 11:44
хогний ногоон уутанд хаясан мөнгийг нь олж илрүүльё ээ..үүнийг шалгуулах шаардлага тавьж жагсацгаая
  • Зочин
  • 2017/04/25 20:44
Батүүл өөрийгөө мэддэггүй л болохоос өөрт нь бас л нөгөө коммунизмын хүчээр түрээ барьсан дээрэнгүй үзэл бөйдагштээ. Байхаас ч Аргагүй биздээ тэр л орчинд өсч хүмүүжсэн юм болохоор......
НИЙТЛЭЛЧ

САНАЛ АСУУЛГА

УИХ-аар хаалттай хуралдсан өршөөлийн хуулийг зөвшөөрч байгаа юу?