Үр минь чи ээждээ өргүй

1895 2017/07/22 0


Хэвлийдээ хэдэн сар тээхэд хэцүү байсан,
Хорвоод мэндлэхдээ хэтэрхий их өвтгөсөн гэж гомдоллохгүй ээ
Энэ хорвоод мэндэлснээ зарлан уйлахдаа л хүү минь чи ачийг минь хариулчихсан

Шөнөжин уйлж хоночихоод, өдөржин ядраасан гэж би чамд гомдоллохгүй ээ
Ганцхан инээдээрээ хүү минь чи ачийг минь хариулчихсан

Хөлд орох үед чинь гэмтэх вий гэж, халуун цай татаад түлэгдчих вий гэж харц салгалгүй дагадаг байсан гэж гомдоллохгүй ээ
Алтан дэлхийд мөрөө тамгалж, тэнтэр тунтар алхахдаа хүү минь чи ачийг минь хариулчихсан

Дураараа загнаж, хүссэнээ авах гэж орилдог байсан гэж гомдоллохгүй ээ
Хэлд орж "ЭЭЖЭЭ" гэж дуудахдаа хүү минь чи ачийг минь хариулчихсан

Гадаа тоглож хувцасаа хиртүүлээд, гар нүүр нь халтартан заваардаг байсныг нь өдөр болгон цэвэрлэдэг байсан гэж гомдоллохгүй ээ
Өдрөөс өдөрт өсч томрон, өндөр залуу болж байхдаа хүү минь чи ачийг минь хариулчихсан

Тааруухан сурагчдын дунд үрийн минь нэр багтахад, хичээлийг нь зааж өгөх гэж өөрөө шөнөжин суралцдаг байсан гэж гомдоллохгүй ээ
"БИ ЭЭЖДЭЭ ХАЙРТАЙ" гэж дэвтэр дээрээ алдаагүй бичихдээ хүү минь чи ачийг минь хариулчихсан

Гэртээ хонолгүй алга болоход нь шөнөжин цонхоор ширтэн хүлээж зогссон гэж ээж нь хүүдээ гомдоллохгүй ээ
Үүрийн гэгээ золгохтой урьтан үеийнхээ охинтой хөтлөлцөөд орж ирэхдээ хүү минь чи ачийг минь хариулчихсан

Өөрөө хүүхдээрээ аав болчихоод, наснаас минь эрт эмээ болгочихлоо гэж ээж нь хүүдээ гомдоллохгүй ээ
Бяцхан үрийг чинь гартаа тэвэрч баярын нулимс унагах үед хүү минь чи ижийнхээ ачийг хариулчихсан

Хорвоо дээр эх хүн гэдгийг минь мэдрүүлсэн үйлдэл болгоноороо чи намайг баярлуулж бас ухааруулсан . . .

ҮР МИНЬ ЧИ ЭЭЖДЭЭ ӨРГҮЙ


АНХААРУУЛГА: Уншигчдын бичсэн сэтгэгдэлд www.UNDESTEN.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9605-1575 утсаар хүлээн авна.
Сэтгэгдэл бичих
Нэр:*
Сэтгэгдэл:
Та сэтгэгдэл бичихдээ 10 тэмдэгдээс дээш тэмдэгт бичнэ үү.
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Асуулт:
2+2=?
Хариуг энд бичнэ үү:*
НИЙТЛЭЛЧ

САНАЛ АСУУЛГА

Цаазын ялтай орон болохыг дэмжиж байна уу?