Б.Мэндсайхан: Хүүхдийн таатай орчинг бүрдүүлж, хөгжих бололцоогоор хангаж ажиллана

8679 2017/09/21 0

 

 

 

Шаамар сумын Бүжинхэн 1-р цэцэрлэгийн Ахлах бүлгийн багш Б.Мэндсайхан өөрийн цэцэрлэгийнхээ талаар ярьлаа.  

"... Манай цэцэрлэг 100 хүүхдэд сургуулийн өмнөх боловсрол олгож байна. 20 багш ажилчинтай. 2017 оны сумын шилдэг байгууллагаар шалгарсан. 2018 онд цэцэрлэгийн маань 50 жилийн ой болно. Ойн хүрээндээ багагүй бүтээлч ажлуудыг өрнүүлэн ажиллаж байгаа. Аймгийн хөрөнгө оруулалтаар хашаагаа шинэчилж сайжрууллаа. Сумаас модон материалын туслалцаа үзүүлж цэцэрлэгийнхээ гадаа хоёр сүүдрэвч, гулгуур, тоглоомыг өөрсдийнхөө хүчээр хийж гадна талбайнхаа өнгө үзэмжийг нэмэгдүүллээ. Хүүхдийг хөгжүүлэхийн тулд орчин маш чухал. Иймээс орчноо гаднаасаа эхэлж сайжруулж байгаа. Манайх хүүхдүүддээ зориулсан туршлагын талбайг бий болгосон. Орон нутагтаа тохирсон хөтөлбөрөөр хичээл явагддаг онцлогтой шүү дээ. Энэ талбайдаа бяцхан хүнсний ногоо тариалаад түүнийгээ арчилж хамгаалах, хоол хүнсэндээ хэрхэн хэрэглэхийг хүүхдүүддээ зааж сурган шинэ мэдлэг олгож хэвшүүлж байна.


Манай нэг давуу тал бол аж ахуй эрхэлдэг. Зөгийн аж ахуй эрхэлж, хүнсний ногоо тариалдаг. Багш ажилчид маань нэг нэг бүл зөгий хандивлаж нийтдээ 8 бүл зөгийтэйгээр зөгийн аж ахуй маань эхэлсэн. Туслах багш н.Бадамцэцэг маань зөгийн мэргэжлийн хүн. Энэ 8 бүл зөгийг маань өсгөж үржүүлээд 15 бүл зөгий болгосон. Өнөөдрийн байдлаар зөгийнөөсөө 8 кг бал авчихаад байна. Үүнийг хүүхдүүдээ витаминжуулах, чийрэгжүүлэхэд хэрэглэнэ. Багш ажилчдын гараар тарьсан цэвэр байгалийн ногоогоогоо хүүхдүүдийнхээ хоол хүнсэнд хэрэглэж заншсан. Энэхүү туслах аж ахуй маань хүүхдийн материаллаг баазыг бүрдүүлэхэд ч дэмжлэг болдог тул бид сэтгэл хангалуун байдаг. Бүлэг бүр өөр өөрийн өргөө байгуулж эхлээд байна. Манай бүлэг гэхэд ёс заншлын, өөр нэг нь урлангийн гэх мэт. Хүүхдүүдээ дагнасан, онцлог онцлогт нь тохирсон хэлбэрээр сургалт зохион байгуулахаар зорьж байна. Мөн багш ажилчид өөрийн гэсэн брэнд ажлыг 50 жилийн ойгоо угтаж хийж эхэлсэн. Манайд багш нарын, туслах багшийн, аж ахуйн багууд байдаг. Хүүхдийн таатай орчинг бүрдүүлж хөгжих бололцоогоор нь хангах чиглэлээр шинэ шинэлэг ажлыг энэ багууд хийх юм. Энэ дашрамд бидний ажлыг дэмжиж тусладаг аймгийн Засаг дарга Ш.Оргил, сумын Засаг дарга М.Баярбаатар нартаа маш их баярлаж талархаж явдагаа хамт олныхоо, эцэг эхчүүдийнхээ, хүүхдүүдийнхээ өмнөөс илэрхийлье..." гэжээ. 

 

Эх сурвалж: selenge.gov.mn

АНХААРУУЛГА: Уншигчдын бичсэн сэтгэгдэлд www.UNDESTEN.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9605-1575 утсаар хүлээн авна.
Сэтгэгдэл бичих
Нэр:*
Сэтгэгдэл:
Та сэтгэгдэл бичихдээ 10 тэмдэгдээс дээш тэмдэгт бичнэ үү.
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Асуулт:
9+9=?
Хариуг энд бичнэ үү:*
НИЙТЛЭЛЧ

САНАЛ АСУУЛГА

Цаазын ялтай орон болохыг дэмжиж байна уу?