Эрдэнэтийн "Эко хороолол" төслийг АТГ шалгаж байна

2884 2017/10/10 1

 

Орхон аймаг, Эрдэнэт хотын өнгө төрхийг гутааж, гадна дотны өмнө бүтээн байгуулалт хийгдэж буй гэхээсээ илүүтэй гамшиг нүүрлэсэн мэт дүр зурагтай "Баян-Өндөр эко хороолол” босдог ч үгүй бахь байдгаараа таван жил болж байна. Эрдэнэт хотдоо ганцхан бусад өөр газарт хаана ч байхгүй жишиг болох зорилготой "Эко хороолол” төслийг хэрэгжүүлэгч нь "Монгол Дайван” ХХК юм. Энэ компанийнхан 2013-2014 онд Орхон, Сүхбаатар зэрэг аймагт тус бүр нь таван тэрбум төгрөгийн өртөг бүхий таван төсөл хэрэгжүүлсэн. Түүний нэг нь дээрх "Баян-Өндөр Эко хороолол” төсөл.


Авлигатай тэмцэх газраас Барилга, хот байгуулалтын яам болон харьяа агентлагт хяналт шалгалт хийсэн дүнгээ танилцуулах үеэр "Монгол Дайван” ХХК-ийн 25 тэрбум төгрөгийн өртөг бүхий таван төсөл анхаарлыг нь татжээ. АТГ-ын шалгалтаар "Монгол Дайван” ХХК-ийн хэрэгжүүлж буй таван төсөл "Барилгын ажлын зураг төслөөс зөрүүтэй хийгдсэн, барилгын ажил чанарын шаардлага хангаагүй” байжээ. Иймээс АТГ-ын Мөрдөн шалгах хэлтсээс "Монгол Дайван”-ы хэрэгжүүлж байгаа дээрх төслүүдэд шалгалт хийж эхэлсэн байна.


Аймаг, орон нутгийн төсвөөс бараг таван тэрбум төгрөгийн зардлаар инженерийн шугам сүлжээ, зам, дэд бүтцийг нь шийдэж өгсөн Эко хороолол өнөөдөр зарим тохиолдолд гэр хорооллын оршин суугчдаас ч дор нөхцөлд байгааг тэнд амьдардаг иргэд нь хэлдэг. Гэрэл, цахилгаан байнга тасардаг, халаалтын доголдолтой, дуртай цагтаа халуун усанд орж чаддаггүй, хүйтэн, хаалгандаа хөнжил унжуулж өвөлждөг, орчин нөхцлийн хувьд жишиг хороолол гэж байгаа ч жигшмээр, жийрхмээр энэ газрын талаар анхаардаг, арга хэмжээ авдаг газар манай аймагт тэр бүр байдаггүй. Тэнд амьдардаг оршин суугчдын хохь болж "Дээшээ тэнгэр хол доошоо газар хатуу”-гийн үлгэрээр дэмий л сайн цагийг хүлээсэн хэсэг хүмүүсийг төр засаг өнөөдөр ч гэсэн таг мартаад байгаа. Тэгвэл оршин суугчдын хувьд хонгилын үзүүрт гэрэл харагдах цучилыг Авлигатай тэмцэх газар гаргаад байгаа нь энэ аж.

 

www.erdenetnews.mn

АНХААРУУЛГА: Уншигчдын бичсэн сэтгэгдэлд www.UNDESTEN.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9605-1575 утсаар хүлээн авна.
Сэтгэгдэл бичих
Нэр:*
Сэтгэгдэл:
Та сэтгэгдэл бичихдээ 10 тэмдэгдээс дээш тэмдэгт бичнэ үү.
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Асуулт:
4+4=?
Хариуг энд бичнэ үү:*
  • irgen
  • 2017/10/10 20:13
ugaasaa hachin yum hiij bgaa shdee. yamar mal ni ene kompanid iim ajil daatgaj ugsun yum. naadh chini ih awilgiin asuudaltai hereg bh shuu. sain shalga!

САНАЛ АСУУЛГА

УИХ-аар хаалттай хуралдсан өршөөлийн хуулийг зөвшөөрч байгаа юу?