Гар урлалын шинэ үйлдвэр ашиглалтад орлоо

6259 2017/12/21 0

Баян-Өлгий аймгийн төв Өлгий хотод казахын ард түмний үндэсний онцлог бүхий гар урлалын бүтээгдэхүүнүүдийг үйлдвэрлэдэг шинэ үйлдвэр өнөөдөр ашиглалтад орлоо.

Уг үйлдвэрийг иргэн Х.Сетерхан өөрийн хүч хөрөнгөөр байгуулсан ба эхний ээлжид 25 хүнийг байнгын ажлын байраар хангасан байна. Мөн үйлдвэрийн холбогдох тоног төхөөрөмжүүдийг БНХАУ-аас оруулж ирсэн байна. Модон хийц бүхий ор, авдар, сав суулга, эсгий ширдэг, мөнгөн эдлэл, хатгамлаар гоёж шимсэн дэр, хөнжил, цонхны хөшиг, бэлэг дурсгал зэрэг 30 гаруй төрлийн бүтээгдэхүүнийг орчин үеийн дизайнаар үйлдвэрлэж, "Охидын инж" /Кыз жасауы/ нэрийн дэлгүүрээрээ дамжуулан зах зээлд борлуулж эхэлжээ.

Казахын ард түмэн охиноо хадамд мордуулахдаа бэсрэг наадам хийж, инж, гэр орон, мал хөрөнгө өгдөг эртний уламжлалтай билээ. Тус үйлдвэр ашиглалтад орсноор охидод дагуул болгон өгөх эд хөрөнийг нэг доороос авах боломж бүрджээ.

Үйлдвэрийн эзний тайлбарласнаар цаашид үйлдвэрийн хүчин чадлыг сайжруулж, ажилчдынхаа тоог хоёр зууд хүргэх, бүтээгдэхүүнийхээ нэр төрлийг нэмэгдүүлж хивс үйлдвэрлэхийг зорьж байгаа ажээ.
АНХААРУУЛГА: Уншигчдын бичсэн сэтгэгдэлд www.UNDESTEN.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Сэтгэгдэлтэй холбоотой санал гомдлыг 9605-1575 утсаар хүлээн авна.
Сэтгэгдэл бичих
Нэр:*
Сэтгэгдэл:
Та сэтгэгдэл бичихдээ 10 тэмдэгдээс дээш тэмдэгт бичнэ үү.
Bold Italic Underline Strike | Align left Center Align right | Insert smilies Select color | Add Hidden Text Insert Quote Convert selected text from selection to Cyrillic (Russian) alphabet Insert spoiler
Асуулт:
4+4=?
Хариуг энд бичнэ үү:*
НИЙТЛЭЛЧ

САНАЛ АСУУЛГА

Цаазын ялтай орон болохыг дэмжиж байна уу?