Урлаг, Спорт

Драмын урлагийн шилдгүүдийг тодруулдаг “Гэгээн Муза-15” олон улсын наадам энэ сард болно

Драмын урлагийн шилдгүүдийг тодруулдаг “Гэгээн Муза-15” олон улсын наадмын академийн шагнал гардуулах ёслол, улаан хивсний баяр энэ сарын 30-нд “Хүн” театрт болно.

Тус наадам тавдугаар сард болох байсан ч Ковид-19 халдварын цар тахлын улмаас хойшилсон юм.

Наадамд Монгол Улсад үйл ажиллагаа явуулж буй төвийн болон орон нутгийн театр урлагийн 10 гаруй театр, чуулга, продакшны бүтээлүүд, олон улсаас 12 орны уран бүтээлчид өрсөлдөнө. Уг наадамд Монгол, ОХУ-ын Буриад, БНХАУ-ын ӨМӨЗО, ХБНГУ, Австри, Швейцарь, Украин, Хойд Македони, Энэтхэг, Арабын нэгдсэн Эмират, Грек, Испани, Итали зэрэг улсын уран бүтээлчид уран бүтээлүүдээрээ оролцож байна.

Драмын урлагийн шилдэг уран бүтээл, шилдэг уран бүтээлчийг шалгаруулдаг энэхүү наадмыг 2003 оноос зохион байгуулж эхэлсэн юм. Харин сүүлийн жилүүдэд наадмыг хоёр жилд нэг удаа болгон өөрчилж, тавдугаар сард хийдэг уламжлал тогтсон юм.

5f431b8b4e96f Драмын урлагийн шилдгүүдийг тодруулдаг "Гэгээн Муза-15" олон улсын наадам энэ сард болно

ХОЛБООТОЙ МЭДЭЭ

Back to top button
Close