Хандивын аян өрнүүлэгчид талцаж эхлэв

Итгэл сэтгэлийн гүүр ТТБ-ийн тэргүүн Ц.Сувд-Эрдэнэ өчигдөр өөрийн цахим хуудаснаа \”Сарнай хүүхдийн төв бүтээн байгуулалтыг аяныг албан ёсоор зогсоож байна” гэж бичжээ. Түүнийг нийгэмд сайн үйлсийн аян зохиож амьдралын бололцоо муутай иргэдэд тусламж үзүүлдэг нэгэн гэдгээр мэдэх болов уу.  /Дэлгэрэнгүйг энд дарж үзнэ үү/

Түүний бичвэрээс үзвэл 31 хүүхэдтэй өрх толгойлсон 37 настай М.Сарнай гэгч нь хүний хүүхдүүдээр бизнес хийж хандив нэрийн дор сайхан сэтгэлт хүмүүсийн сэтгэлээр тоглох шиг болжээ. Тухайлбал М.Сарнай нь хэвлэлд анх удаа ярилцлага өгөхдөө хогийн цэг дээрээс нярай хүүхэд уйлж байхыг сонсоод ажлаа эхлүүлсэн гэх зэргээр ярьж байжээ. Гэтэл эцэг эхтэй хүүхдүүдийг хогийн цэг дээрээс олж өөрийн долоон хүүхдийн хамтаар тэжээж байгаа үнэнийг олон нийтээс нуусан байна. Түүгээр ч  зогсохгүй хүүхдүүдийг харах биш орой нь хэл амаар доромжилж, гэрт нь буцаахгүй эцэг эхээс нь салгасан үйлдэл хийсэн талаар бичжээ. Уг хандивын аян 4-р сарын 15-наас эхлэн албан ёсоор нээгдэж одоогоор дундын дансанд 42 сая гаруй төгрөг цугларчээ. Одоогоор  уг хандивын аяныг Ц.Сувд-Эрдэнэ зогсоох хүсэлт гаргасан ч М.Сарнай түүний нөхөд зогсоох хүсэлгүй байгаа гэдгээ мэдэгдлээ. Үүний дараа Ц.Сувд-Эрдэнэ өөрийн цахим хуудаснаа М. Сарнайн талаарх баримт бичлэгүүдийг ар араас нь дэлгэлээ. Уг бичлэгт дурдсанаар М.Сарнай гэгч нь ард олныг залилж эцэг эхтэй хүүхдүүдийг өнчин гэж худал хэлж хандивын нэрээр бизнес хийж тэр мөнгөө хувьдаа завшдаг гэсэн агуулгатай бичлэг байв. Түүнчлэн М.Сарнайг өчигдөр албан ёсоор цагдаагийн байгууллагад мэдэгдэж шалгуулах хүсэлт тавьжээ.

Энэ талаар өөрийн цахим хуудаснаа \”Өнөөдөр Сарнай эгчийг цагдаад өглөө. Ард түмнийг ихгэж хуурч болохгүй ээ. Зүтгэсээр л байх уу? Цагдаа хүчнийхэн үнэн мөнийг тогтоож өгнө гэдэгт итгэж байна. Намайг гүтгэлээ гээд Сарнай эгчийн зөв болохгүй. Үнэн ялнаа\” гэж бичжээ. 

 

Гэвч М.Сарнайн байр суурийг сонсоход тэрбээр \”Ц.Сувд-Эрдэнэ надад атаархсандаа ийм яриа өгч байна. Энэ хүүхдүүд бүгд л миний хүүхдүүд. Гэхдээ би эцэг эхгүй гэж хэлээгүй амьдралын бололцоо муутай хүүхдүүд учраас би харж ханддаг\” гэж хэлсэн байна.

Эдгээр явдлаас улбаалан сайн үйлсийн аянд нэгдсэн иргэд сошиал ертөнцөд бухимдаж эхэллээ. Тухайлбал иргэд тэднийг мөнгөн дээрээс болж муудалцсан, мөнгө төгрөгтөө тохироогүй, сайхан сэтгэлтэй хүмүүсийн сэтгэл рүү ус цацлаа зэргээр хардаж байна. Хэргийг одоогоор цагдаагийн байгууллагад мэдүүлсэн учир хэргийн үнэн мөн тун удахгүй олдох биз ээ.