МАХН, МАН-ын “шоовдор”-уудаар цус сэлбэнэ

Ардчилсан
нам 2012 оны сонгуулиар иргэдээс олж авсан итгэлээ бүрэн алдлаа. Харин Монгол
Ардын намын хувьд жирийн иргэдийн дунд муу нэртэй. Эндээс ирэх 2016 оны
сонгуулиар МАХН өндөр хувьтай оролцох нь гэдэг таамаг төрж байна. Тэд 2012 оны
УИХ-ын сонгуулиар бага санал авсан ч Засгийн газрыг удирдах хэмжээний чадалтай
байгааг ойрын өдрүүдэд болж буй улс төрийн үйл явцаас харж болохоор.

 

Ардчилсан
нам Засгийн газраасаа Монгол Ардын намыг \”хөөчихсөн”. Тэгэхээр дахин гуйх
нүүргүй гэсэн үг. Гэтэл тэд дангаараа засаг байгуулах хэмжээний чадалгүй.
Тиймээс УИХ дахь \”Шударга ёс” эвслийн бүлгийг царайчлахаас аргагүйд хүрч байна.
Нэг бол царайчлах, үгүй бол Засгийн газар задрах нөхцөл бий болсон тул эвсэлтэй
нэгдэхээс аргагүйд хүрсэн гэж ойлгогдож байгаа.

Харин
эвслийн хувьд өөр зорилготой. Ер нь УИХ-д сууж буй гишүүд нь ямар зорилготой вэ
гэдэг нь хийж хэрэгжүүлж буй ажил, санаачилж буй хуулийн төслөөс тодорхой
харагддаг. Ер нь тэднийг энд суулгаж, эрх мэдэлд хүргэсэн хүний төлөө ажиллах
нь хамгийн том зорилго нь гэдэг тодорхой харагддаг.

Тэгэхээр
АН Засгийн газартайгаа байхын тулд эвслийн бүлгийн зорилгыг биелүүлэх л
шаардлагатай болж байгаа юм. УИХ-ын гишүүн, Монгол Улсын Ерөнхий сайд асан
Н.Алтанхуяг яагаад МАХН-тай хамтран ажиллах гэрээг намынхандаа ч мэдэгдэлгүй
байгуулсан шалтгаан нь ч үүнтэй холбоотой. МАХН-д, цаашлаад \”номер нэг”-д тал
засахгүй бол Засгийн газар нь унах гээд байсан байна шүү дээ.

Ингэж
л МАХН 2012 оны сонгуулиар цөөн санал авсан ч Засгийн газрыг, цаашлаад улсыг
удирдах чадалтай болсон хэрэг. АН, МАН хоёрын таарамжгүй харилцаа тэдэнд л
ашигтай. Тэдэнд л зорилгоо биелүүлэх боломжийг бүрдүүлж өгнө. Тиймээс улс орны
чухал ажил гацаанд орох, түгжил үүсэх эсэх нь тэдэнд огт хамаагүй. Болж өгвөл
түгжилдүүлээд байхыг л хичээнэ. Ийм үйл явц өнгөрөгч 2012 оноос хойш төрийн
ордонд өрнөлөө. Намууд, УИХ-ын гишүүд ард түмний амьдрал ахуй доройтох, валютын
ханш өсөх, гадаад өр нэмэгдэх зэргийг огтхон ч анхааралгүйгээр л сандал
суудалтай зууралдсан хэрэг.

Тэгвэлэнэ дүр зураг 2016 онд өөрчлөгдөх үү. Өнөөдрийн цонхоор харвал нэг их өөрчлөлт
гарахгүй нь ажиглагдаж байна. Харин ч МАХН, МҮАН-гүйгээр хүчирхэгжиж магадгүй
болоод байна. Тэд МАН-аас шоовдорлогдсон, хөөгдсөн \”хөрөнгөтөн”-үүдээр цусаа
сэлгэхээр болоод байгаа тухай эх сурвалжууд мэдээлж эхэллээ.

Тодруулбал,
Улаанбаатар хотын захирагч асан Г.Мөнхбаяр, УИХ-ын гишүүн асан Д.Загджав,
Ж.Сүхбаатар, Ш.Сайхансамбуу нар МАХН-д элсэхээр болсон тухай мэдээллэх боллоо.
Мөн тэднээс гадна авлига албан тушаалын хэрэгт буруутгагдан ял сонссон УИХ-ын
гишүүн асан Ц.Батбаяр, УИХ-ын гишүүн асан Д.Дондог нараас гадна НАМЗХ-ны
Ерөнхийлөгч асан Л.Оюун-Эрдэнэ МАХН-ын цусыг сэлгэх тухай сонсогдох болов. Энэ
мэдээллүүдийг МАХН-аас огт үгүйсгэхгүй байгаа юм. Үнэн ч бай худал ч бай тэдэнд
л ашигтай. Цусаа сэлбэнэ, хүчээ нэмнэ.Шоовдор, гологдол байх тусмаа л \”номер нэг”-д үнэнчээр зүтгэж, \”манай дарга”
хэмээн магтан дуулах нь ойлгомжтой.

Амар