“PGL Major Copenhagen 2024” буюу CS2 тоглоомын Дэлхийн Аварга Шалгаруулах Тэмцээн (ДАШТ) Дани улсад болж байгаа билээ.
Дэлхийн аваргад Ази тивийг төлөөлж буй “The MongolZ” баг Open stage шатанд ОХУ-ын AMKAL ESPORTS, Хятадын Lynn Vision, Бразилын Legacy зэрэг багийн хожлоо.
Ингэснээр CS2 тоглоомын дэлхийн аваргад Ази тивийг төлөөлөн оролцсон баг анх удаа “Elimination Stage”-д шалгарч байгаа юм. Мөн CS2 тоглоомын дэлхийн аваргад Ази тивээс гурван баг оролцох эрхийг тэд авч ирлээ.
“The MongolZ” сүүлийн тоглолтоо Бразилын Legacy багийн эсрэг ВО3 журмаар хийсэн бөгөөд 2:0 онооны харьцаатайгаар ялалт байгуулсан.
Тэд эхний үед өөрсдийн сонгосон Ancient дээр 13:9-ийн харьцаатай хожсон. Энэхүү тоглолтод 16 настай Mzinho буюу Б.Аюуш 25 хийснээр багаа тэргүүлжээ. Харин айлын сонгосон Anubis үед 13:6 онооны харьцаатайгаар хожсон юм.
