Сайхан амрахын тулд дараах 12 зөвлөгөөг дагаад үз

Унтмаар байвч юу ч юм бэ саад болсоор байна уу. Тэгвэл унтахаасаа өмнө эдгээр 12 зөвлөгөөг дагаад үзээрэй. Тэгвэл нам унтаж, өглөөг аз жаргалтайгаар угтах болно.

Агаарын температурыг тааруул

Дулаан орчинд унтах нь ая тухтай байдлыг бүрдүүлдэг боловч температурыг зөв тохируулснаар сайхан амрахад туслах болно. Целсийн 15-23 хэмд хүн тайван амарч чаддаг. Түүнээс халуун бол бүгчимдээд унтаж чадахгүй, мөн хүйтэн бол сэрвэгнээд байх талтай.

Дасгал хийх зөв цагийг ол

Хэрвээ та унтахаасаа өмнө дасгал хийсэн бол энэ шөнө их л тухгүй амарна гэсэн үг. Тиймээс дасгал хийх зөв цагийг ол. Ихэнх дээ оройны 07.00 цагт дасгал хийвэл үр дүнтэй, бас амрахад таатай нөлөө үзүүлдэг байна. Харин 22.00 цагаас хойш дасгал хийхгүй байхыг зөвлөж байна.

Унтах цагтаа л унт

22.00 цагт орондоо орох нь хамгийн тохиромжтой. Хүний бие бүрэн амрахын тулд тодорхой хугацааг туулдаг. Оройтож унтаад, өглөө эрт сэрээд байвал таны бие амарч чадахгүйгээс гадна, биеийн эсэргүүцэл ч давхар суларч байдаг байна. Тэгэхээр 22.00 цагт бүх ажлаа дуусгаад биеэ амраахаар орондоо орж чаддаг байх хэрэгтэй.

Хурц тод гэрлийг унтраа

Гэрэлтэй нөхцөлд та унтаж чадаж байгаа ч бие тань амрахгүй байх талтай. Нүд бол маш их ядардаг. Тиймээс сайн унтаж амармаар байвал бүх гэрлийг унтраа, үүсгэврээс нь салга. Хэрвээ тийм боломжгүй бол нүдний хаалт хэрэглэсэн ч болно.

Дуу чимээ

Элдэв дуу чимээ унтахад үргэлж саад учруулж байдаг. Гаднах автомашины дуу чимээ, хөгшүүдийг шуугиан, зурагт, радио гээд энэ бүгд таныг ядраахаас хэтрэхгүй. Тиймээс нам гүм орчинд унтаж бай. Чихний бөглөө ашиглаад үзээрэй.

Унтлагын өрөөнд ажлаа бүү хий

Хүмүүс орондоо орсон ч ажлаа хийх, сошиал ертөнцөөр аялах гэсээр байгаад унтах ёстой цагаасаа хэтэрчихдэг. Тэгэхээр орондоо орсон л бол унт, битгий өөр зүйл хий.

Кофейнаас татгалз

Кофейн бол идэвхтэй сэргээгч бодис юм. Унтахгүйн тулд кофе уудаг. Гэхдээ үр дүн бага байдаг ч таны биеийн эд эсийг сэргээдэг болохоор унтахад төвөг учруулах нь мэдээж. Тэгэхээр унтахаасаа өмнө кофе, цай, шоколад зэрэг сэргээгч агуулсан хүнсний зүйлсээс татгалзсан нь
дээр шүү.

Унтаж чадахгүй бол ном унш, гэхдээ

Яг унтахаар хэвтсэн ч нойр хүрэхгүй байх тохиолдол цөөнгүй. Тэгвэл босоод ном унш. Гэхдээ зөвхөн цаасан ном унших хэрэгтэй. Цахим ном уншвал таны тархи, нүд ядарч амралт биш өвчин үүсгэгч болж мэднэ.

Согтууруулах ундааг тохируул

Хэдийгээр архи нь хурдан унтахад нөлөөлдөг ч эрүүл мэндэд тун хортой. Тиймээс унтахаас 2 цагийн өмнө согтууруулах ундаа хэрэглэвэл тун тохиромжтой. Гэхдээ болж өгвөл уухгүй байхыг хичээгээрэй.

Элдэв зүйлс бодох

Тархи хэт их ядарсан үед элдэв зүйлс бодох нь бий. Өдрийн ажил дээр болсон явдал, маргаашийн байрны төлбөр гээд л бодогдохыг хүсэхгүй байвч толгойд эргэлддэг асуудлууд маш олон байдаг. Үүнийг зогсоохын тулд өөр зүйлс бодох хэрэгтэй. Жишээ нь улсын нэр хэлэх, хонь тоолох зэрэг нь элдэв бодлуудыг үргээх чадвартай байдаг юм.

Шүршүүр л ор

Унтахаасаа өмнө халуун усанд орж, усны онгоцонд хэвтэхээс татгалз. Ийм үйлдэл хийвэл бие тань түр хугацаагаар амарч, таныг унтуулахгүй байж мэднэ. Бодисын солилцоо түргэсээр эхэлвэл юун унтах, тэрний оронд ажлаа хийсэн нь дээр болдог. Тиймээс унтахаасаа өмнө заавал усанд ормоор байгаа бол бүлээн шүршүүр л ор.

Унтах байрлал их чухал

Эвгүй байрлалтай хэвтвэл амрах бус харин ч бие хөшиж, булрах нь элбэг. Тиймээс өөрт эвтэйхэн, зөв байрлалыг сонгож унтах хэрэгтэй. Зөв байрлалаа олсон бол хэсэгхэн хормын дараа л та нам унтсан байх болно.