![\"\"](http://undesten.mn/wp-content/uploads/2018/01/1517028719_ivan.jpg "\\"\\"")
Алдарт бөх Иван Ярыгиний нэрэмжит 29 дэх удаагийн \”Алтан Гран при” тэмцээн өчигдөр Красноярск хотод эхэлж манай тамирчид таван хүрэл медаль хүртжээ. Тус тэмцээний эхний өдөр эрэгтэйчүүдийн 57, 61, 70, эмэгтэйчүүдийн 50, 55, 59, 65 кг-ын жингийн барилдаан болж шилдгүүдээ тодруулсан юм. Эдгээр жинд барилдсан манай бөхчүүдээс эрэгтэй 57 кг-д спортын мастер Ц.Цогбадрах, 61 кг-д ОУХМ Т.Түвшинтулга, эмэгтэйчүүдийн 55 кг-д ОУХМ Э.Даваачимэг, 65 кг-д ОУХМ З.Болортунгалаг, Э.Цэвэгмид нар хүрэл медалийн эзэд болжээ. Тэд \”Алтан Гран при” тэмцээнээс анх удаагаа медаль хүртэж байгаа юм байна.
![\"\"](http://undesten.mn/wp-content/uploads/2018/01/1517028844_undesten.jpg "\\"\\"")
