Бөхийн тэмцээнийг 42.298 хүн үзжээ

АНУ-ын Айова хотын хөлбөмбөгийн \”Kinnick Stadium” цэнгэлдэх хүрээлэнд өнгөрсөн бямба гаригт болсон Айова, Оклахома муж улсуудын оюутны шигшээ бөхийн багуудын нөхөрсөг уулзалт тэмцээнийг 42.298 үзэгч сонирхож дээд амжилт тогтоожээ. Тэмцээний үеэр америкийн уламжлалт язгуур бөхийн төрлөөр 10 барилдаан болж 5:5 онооны харьцаагаар тэнцсэн ч Айова муж улсын оюутны баг 18:16 онооны зөрүүгээр өрсөлдөгчөө хожжээ. 2013 оны 12 дугаар сарын 8-ны өдөр \”Bryce Jordan Center” спортын ордонд болсон Пенсильвани муж улсын оюутны шигшээ баг болон тус муж улсын Питтсбург хотын оюутны шигшээ багийн хоорондын халз тулааныг 15 996 үзэгч сонирхож байсан нь өмнөх дээд амжилт байжээ. НСАА, Үндэсний их сургуулиудын спортын холбооны лигийг байнга тэргүүлж байдаг дээрх хоёр багийн бөхийн тэмцээн жил хурц өрсөлдөөнтэй болдог болохоор хүмүүс маш олноор ирдэг үздэг ч энэ жил онцгой олон хүн иржээ. Айова муж улсын оюутны бөхийн \”Харцагууд” багийн дасгалжуулагчаар АНУ-ын бүх цаг үеийн аугаа бөх гэсэн алдрыг хүртсэн, олимпийн, дэлхийн болон Пан Америкийн спортын наадмын аварга М.Гейбл, Оклахома муж улсын оюутны бөхийн \”Үхэрчин залуус” багийн дасгалжуулагчаар олимпийн хошой аварга Жон Смит ажилладаг байна.

Д.Өлгийсайхан

эх сурвалж: ssport.mn