Олон улсын хүүхдийн эрхийг хамгаалах өдрийг Монголчууд орон даяараа жаргал дүүрэн тэмдэглэн өнгөрүүлж байгаад итгэлтэй байна. Хүүхдүүд өөрсдөд зориулагдсан энэ л өдрийг хэрхэн өнгөрүүлж байгааг сонирхон Zaisan Hill Complex /Зайсан Хилл цогцолбор/-ыг зорьж, тэнд олон сонин содон зүйл үзсэнээ та бүхэнтэй хуваалцъя гэсэн юм.
Хүүхдийн баярын үйл ажиллагааны нээлтээр олон авьяаслаг хүүхдүүд уран бүтээлийн дээжсээрээ хүрэлцэн ирсэн зочин найзууддаа бэлэг барьлаа.
Тус цогцолборт хүүхдийн баярын хөтөлбөр гурван өдрийн турш үргэлжилнэ гэдэг нь хамгийн их анхаарал татсан юм. Ингэхдээ 1000 хүүхдийг баярлуулахаар олон сюрпризүүдийг бэлдсэн байна. Тухайлбал, Зайсан Хилл цогцолбор нь Prime Cineplex-тэй хамтраад 500 хүүхдэд киноны тасалбарыг үнэгүй тарааж байгаа юм байна. Мөн 6 өртөөгөөр аялаад ирсэн хүүхэд бүрт бэлэгтэй гэнэ. Энэхүү бэлэгт нь Трамполин паркад тоглох эрхийг 100 хүүхдэд, VR тоглоомын төвд тоглох эрхийг 100 хүүхдэд өгөх ба үүний дээр гарын бэлэг багтжээ.
Түүнчлэн Зайсан Хилл цогцолборын түрээслэгчдийн өртөөнд хамрагдсан хүүхдүүдэд тухайн худалдаа, үйлчилгээ эрхлэгч айл бүрийн гарын бэлгүүдийг зуу зуугаар нь тарааж байгаа аж. Үндсэндээ 500 бэлэг, кино театрын 500 тасалбар нийлээд 1000 хүүхдийг баярлуулсан үйл ажиллагаа болж байна.
Хүүхдийн баярыг тохиолдуулан барьсан бас нэг гэнэтийн бэлэг бол 6 метрийн өндөр үлэг гүрвэл байв. Дүдү музейгээс хүүхэд багачууддаа зориулж аварга динозаврыг аялуулж сонирхуулсан нь хүүхдүүдэд том сюрприз болсон бөгөөд динозаврын хамт зургаа авахуулах бас нэгэн завшааныг тэдэнд олгожээ. Мөн тус музей болон Breack house-аас Зайсан Хиллийн дөрөвдүгээр давхарт тоглоомын хэсэг гаргаж ажиллуулж байна. Энд хүүхдүүд үнэгүй тоглох боломжтой юм.
Энэхүү үйл ажиллагаа зөвхөн өнөөдөр өрнөөд дуусахгүй, гурван өдрийн туршид үргэлжилнэ гэдгийг дахин сануулахад илүүдэхгүй биз ээ.
Ингээд юун түрүүнд Зайсан Хилл цогцолборын дотор байгуулсан “Хүүхэд бидний баясалын ордон” дахь зургаан өртөөг танилцуулъя.
- Ид шидийн өртөө – Prime Cineplex кинотеатр
- Гайхамшгийн өртөө – Трамполин парк
- Амттаны өртөө – Gelato, Bibi’s, Tom N Toms, Mom’s cake
- Шинэ үеийн өртөө – VR виртуал ертөнц буюу VR тоглоомын төв
- Инээмсэглэлийн өртөө – Location Selfie хийх: Goo, Lhamour, Korea optic
- Сайн хүүхдийн өртөө – JCI Leader-ийн Positive Mind төслөөр аялж, олон авьяаслаг хүүхдийн тоглолт, хөгжилтэй алиалагч, Аами, Таамитай селфидээрэй.
Зургаан өртөөгөөр зочилсон хүүхэд бүрт тусгай тасалбар олгож байна. Бүх өртөөгөөр зочилж цуглуулсан тасалбараараа бэлэг авах боломжтой юм байна.
Өртөө бүр өөрийн онцлогтой. Тухайлбал, тоглоомын өртөөнд сансрын нисэгч болж чадах эсэхээ үзэж болно. Ингэхдээ таван хошуу дүрсийг толинд буулган харж байгаад гар салгалгүй зурах жишээтэй.
Бид бас зургадугаар өртөөг онцлон танилцуулахыг хүслээ.
Энэхүү “Сайн хүүхдийн өртөө” нь JCI Leader салбар байгууллагаас Positive Mind буюу эерэг сэтгэлгээний давалгаа төслийн хүрээнд Эерэг сэтгэлгээний ханыг байрлуулсан байна. Энэхүү өртөө нь хэрхэн ажиллах вэ гэвэл, хүүхдүүд өөрсдийн зургаа авахуулаад, ирээдүйд ямар хүн болох, хүсэл, мөрөөдөл, зорилго, өөрт хэрэгтэй зүйлээ бичээд зургийнхаа хамт ханан дээр байршуулж мөнхлөх юм. Энэхүү хана нь Зайсан Хилл цогцолборт гурван өдөр байх хугацаандаа дүүрвэл цаашид гурван сарын хугацаанд энд байршиж, хүмүүс эндээс хүүхдүүдийн хүсэл мөрөөдөл, зорилгыг сонирхон үзэх боломжтой болох гэнэ. Энэ нь нэг үгээр бол нийгэмд зөв хандлагыг түгээх зорилго бүхий төслийн нэгээхэн хэсэг юм байна.
JCI Leader салбар байгууллагын Positive Mind төслийн сургагч багш Б.Энхтулга “Хамтран ажиллаж байгаа Зайсан Хилл цогцолборынхоо хамт олонд төслийг маань дэмжээд туслалцаа үзүүлж байгаад маш их баярлалаа гэж хэлмээр байна. Манай “Positive Mind” төсөл Монголд хэрэгжээд гурван бил болж байгаа. Монголын нийгэм, хүмүүст эерэг хандлага, зөв төлөвшлийг бий болгох зорилготой. Үндсэн сэдвүүдийг уриалж, сургалт зохион байгуулдаг. Нийгэм рүү чиглэсэн эерэг мэссежийг өгдөг ТББ-ын төсөл. Үүнийг JCI олон улсын байгууллагын JCI Leader салбар байгууллагаас хэрэгжүүлээд дөрвөн жил болж байгаа. Энэ хугацаанд Монголыг хоёр бүтэн тойрсон, дэлхийн долоон улсад хүрсэн, 450 гаруй мянган хүнд сургалт ороод явж байна.” хэмээн тайлбар өглөө.
Ийнхүү баярын өдрөө Зайсан Хиллд өнгөрүүлж баяр хөөрөөр дүүрэн байгаа багачуудын сэтгэгдлээс хуваалцъя.
Южи: Би таван настай. Би сая Аами кино үзсэн. Би бас дүүтэйгээ хамтдаа тоглосон юм аа. Тэнүүн дүү маань гурван настай. Паркаас энэ чинь гоё юм байна.
Цэдэн-Очир: Би таван настай. Манай дүү хоёр настай, Оконо гэдэг. Энд Аами, Таами хоёр байсан, гоё. Би динозавр харсан, би айгаагүй. Би бас хөөсөөр тоглосон. Ёстой гоё байна.
Д.Дандар: Гаднаас нар шараад, дотроо ч гэсэн нартай байна
Зайсан Хилл цогцолборын гадна талбайд мөн гурван өдрийн туршид уралдаан тэмцээн өрнөх юм байна. Үүний нэг болох All style dance competition /чөлөөт бүжгийн тэмцээн/ өнөөдөр боллоо. Уг тэмцээн crew болон solo төрлөөр халз тулаан хэлбэрээр явагдсан бөгөөд тэмцээнд оролцсон Д.Дандартай уулзаж, сэтгэгдлийг нь сонсов.
-Өнөөдөр өөрт тань төрж байгаа сэтгэгдлээсээ хуваалцаач.
-Өнөөдрийн үйл ажиллагаа үнэхээр сайхан байнаа. Гаднаас нар шараад, дотроо ч гэсэн нартай байна. Хүүхэд багачууддаа хүүхдийн баярын мэнд хүргэе. Нартай халуун байна. Гэхдээ л гоё байна.
-Зохион байгуулалтын талаар хэлэх зүйл байна уу?
-Зохион байгуулалт ч сайн байна. Ийм сайхан үйл ажиллагаа зохион байгуулж байгаа “Зайсан Хилл”-дээ баярлалаа.
-Та бүхэн хэдүүлээ оролцож байна. Өрсөлдөөн хэр ширүүн байна?
-Бид тавуулаа баг болж оролцлоо. Crew-гээрээ battle-даж байгаа юм. Би өөрөө соло төрөлд нь оролцсон. Би Moxie Dance Studio клубэд багшилдаг.
-Та хэдэн настай вэ. Хүүхдийн баярын бэлгээ авсан уу, эсвэл хүүхдийн тооноос хасагдсан уу?
-Би 17 настай. Хүүхдийн тооноос хасагдсан ч сэтгэгдэл байдгаараа л байна даа. Зүгээр ээ. /сурв: инээв./
Гадна талбайд маргааш буюу зургадугаар сарын 2-ны өдөр 3х3 сагсан бөмбөгийн тэмцээн болох бол 3-ны өдөр Skateboard-чөлөөт үзүүлбэрийн тэмцээнийг зохион байгуулах юм. Эдгээр үйл ажиллагаа өдөр бүр 11:00-20:00 цагт үргэлжилнэ.
П.Эрдэнэтуяа: Хүүхдийн зугаалж, тоглох газар нэгээр нэмэгдсэнд баяртай байна.
Энд хүрэлцэн ирж өнөөдөр хүүхдээ баярлуулж яваа томчуудын царай ч гэрэлтэж, сэтгэл хангалуун яваа нь бэлхэнээ харагдаж байлаа. Тэдэнтэй цөөн хором ярилцаж, сэтгэгдлийг нь хуваалцсанаа товч хүргэе.
-Энэ өдрийн сэтгэгдэл ямар байна?
Б.Ягаанцэцэг:
-Өнөөдөр хүүхдээ баярлуулаад гадуур сайхан явж байна. Сэтгэгдэл маш өндөр байна. Бид Зайсан Хилл цогцолборыг үзэхээр зорьж ирсэн. Дотроо кинотеатртай гэсэн болохоор кино үзэх гээд ирлээ. Охин маань кино үзье гэсэн юм.
-Нийслэлийн хэмжээнд ер нь амралт зугаалгын газар цөөн байдаг. Энэ талаар та өөрийн санал бодлоо хуваалцаач.
-Ер нь яг энэ хавь шиг ийм цогц зохион байгуулалттай газар байхгүй байх аа. Ийм тохижилттой, амралт чөлөөт цагаа тухтай өнгөрөөдөг газар илүү олон байвал зүгээр л юм. Тэгвэл хотын захад байсан ч хамаагүй зориод очно.
-Та өнөөдөр яагаад Зайсан Хиллийг сонгон зорьж ирэв. Энд төрсөн таны сэтгэгдлийг хуваалцах гэсэн юм?
П.Эрдэнэтуяа:
-Ямар ч байсан би хоёр охиноо эхлээд усан оргилуурт тоглуулчихаад, доторхыг нь сонирхуулаад, энэ орчинтой танилцуулъя гэж ирлээ. Танилцлаа, үнэхээр сайхан байна. Урьд нь талбай явдаг, гэрийнхээ ойролцоо хоолонд ороод, тиймэрхүү л байдалтай явдаг байсан. Одоо хүүхдийн зугаалж, тоглох газар нэгээр нэмэгдсэнд баяртай байна.
-Өөр амралт зугаалгад зориулагдсан ямар газраар очдог вэ?
-Одоо энэ байна. Тэгээд Цэцэрлэгт хүрээлэн, хүүхдийн тоглоомын газрууд л байна. Гэхдээ очер дугаар маш их байдаг. Хүлээж зогсох шаардлага гараад байгаа юм чинь. Харин энд талбай чөлөөтэй, хүүхэд гүйж байсан ч чөлөөтэй амар юм. Би урьд нь энэ цогцолбор барихаас өмнө хүүхдүүдтэйгээ олон ирж байсан. Харин Зайсан Хилл цогцолбор баригдсанаас хойш анх удаа ирж байна. Шинэ соргог зүйл үзээд сайхан байна даа.
Д.Өсөхбаяр: Зөв хүний төлөвшлийг бий болгох учраас ийм хогийн сав хийсэн
Энд нэгэн содон санагдсан зүйл бол хогийн сав. Энэхүү хогийн савыг Д.Өсөхбаяр санаачлан хийжээ. Хүүхдүүдийн анхаарлыг маш их татахуйц, хүн бүрийн маш сайн мэдэх сагсан бөмбөгтэй дүйцүүлж хийснээрээ онцлог юм байна. Тэрээр хогийн савны талаар ийн тайлбарлалаа. “Зүгээр энгийн хогийн сав руу хийснээс цагираганд гоол оруулж хийвэл хүүхдэд илүү сонирхолтой санагдана гэсэн санаагаар энэ хогийн савыг бүтээсэн байгаа. Мөн хүүхдэд зөв дадал зуршлыг хэвшүүлэхэд тустай юм болов уу гэж энэ санаагаа хэрэгжүүлсэн. Ер нь хүүхэд хогоо ээж аав, ах эгчдээ өгчихдөг. Харин ийм хогийн саванд бол өөрөө хийхийг зорих болно. Энэ нь анхнаасаа зөв хүний төлөвшлийг бий болгох учраас ийм хогийн сав хийсэн. Төслийн үндсэн зорилгын хүрээнд хүүхдэд зөв талаас нь сэдэл төрүүлж, эерэг сэтгэлгээ, зөв хандлагыг бий болгох зорилгоор хүүхдүүдийн сэтгэлгээ рүү чиглэсэн энэ зүйлийг санаачилсан юм.” хэмээн ярьлаа.
Энэхүү хогийн савыг хүүхдийн баярын үйл ажиллагаанд зориулан хийсэн бөгөөд үүнийг хийхэд маш хямд зардал орсон гэдгийг тодотгож байсан юм.
Ийнхүү гэнэтийн бэлэг дүүрэн хүүхдийн баярын үйл ажиллагаа Зайсан Хилл цогцолборын гадаа, доторгүй өрнөж, тэнд ёстой л хүүхдийн инээд цангинан цуурайтаж, баяр жаргал бялхан байлаа. Энэ амралтын өдрүүдээр ч хүүхдийн баяр үргэлжилнэ гэсэн нь илүү олон хүүхдийг хамруулж, баярлуулах таатай боломж гэдгийг тодотгон хэлмээр байна. Гадаа талбайгаас эхлээд дотор давхар бүрт үзэж харах сонирхох зүйл “Zaisan Hill Complex”-т олон байна.
