Монголын тэргүүлэгч бүжгийн хэмнэл Silence White бүтэн нэг үеийг ардаа үдэж, 12 жилийн турш бүжгийн хөгжмөөр дамжуулан залууст эерэг сэдлийг төрүүлж, гадаадын аялагчдад үндэсний хэв маяг, соёл урлаг бүхий санаа шийдлийг сурталчлан таниулсаар ирсэн.
Энэ жил шинэ эхлэл, шинэ үеийг билэгдэн Silence White 2018 New Circle утга агуулгаар “Zaisan Hill” Event hall-ын дотор заал болон гадна гэсэн хоёр өөр орчинд залуусын нүд, чих, сэтгэл хөдлөлийг дээд зэргээр баясгаж, орчин цагийн хөгжмийн хэмнэл, тайз дэлгэцийн интерактив хослолыг гайхуулж чадлаа. Чадсан гэдгийг одоо хүртэл Silence White-ын доргио үдшийн тухай яриа залуусын амнаас ам дамжин өрнөж байгаагаас мэдэрч болно.
Шинэлэг бүхнийг эрэлхийлж орчин үетэйгээ хөл нийлүүлэн алхагч залуус цэвэр ариуны бэлгэдэл цагаан өнгийн хувцсаар ижилсэж ‘’Энх тайван эв нэгдлийн дор нэгдье’’ уриан дор 2018 оны наймдугаар сарын 24-ний нэгэн гайхамшигтай үдшийг хамтдаа өнгөрүүллээ.
Арга хэмжээнд урилгаар Японы DJ Satoshi Fumi, Germany DJ KLLDR нар болон Монголын шилдэг DJ нар хэмнэлийг утгаар нь мэдрүүллээ.
Ийнхүү Silence White-ын шинэ үеийн доргио үдшийн тухай яриа удаан нүргэлэх нь ээ.
