ЗТХЯ болон УБТЗ-ын эргэн тойронд өрнөж буй асуудлууд гол сэдэв болоод байна. Энэ талаар олон нийт “Зам тээврийнхний дунд бугшсан идээ бээр задарч байх шиг байна” хэмээн дүгнэж байна.
Эдгээр асуудлын дундаас АТГ-ын ОНЗ-ийн дарга Г.Баасан УБТЗ ХНН-ийн дарга Д.Жигжиднямааг Г.Ганболдоор солих асуудлыг хөндлөө. Тэрээр иймэрхүү солио холио хийхийг эсэргүүцэж “Д.Жигжиднямааг Г.Ганболдоор солиод УБТЗ ХНН-д шинэчлэл явагдахгүй” гэсэн тодотгол бүхий нэгэн мэдээллийг дэлгээд байна. Тэрээр уг мэдээллээ Ерөнхий сайд У.Хүрэлсүх болон УИХ-ын 65 гишүүнд хаяглажээ. Үүнийг бүрэн эхээр нь хүргэе.
“Д. ЖИГЖИДНЯМААГ Г.ГАНБОЛДООР СОЛИОД УЛААНБААТАР ТӨМӨР ЗАМ ХНН-Д ШИНЭЧЛЭЛ ЯВАГДАХГҮЙ
Авлигатай тэмцэх газрын дэргэдэх Олон нийтийн зөвлөлд ирсэн Төмөр замчдын мэдээллийг Ерөнхий сайд, Монгол Ардын намын дарга У.Хүрэлсүх, УИХ-н 65 гишүүдийн сонорт хүргэж байна.
Ганболд ба түүний ахан дүүс, найз нөхдийн баг УБТЗ-д үүрлэсэн байна.
Г. Ганболд ба түүний ах дүүс нарын багийг жагсаавал:
1. Мөнхбат – Санхүү албаны хэлтсийн дарга /одоогийн эхнэр/
2. Г.Ганболор – Хангамжийн инженер /төрсөн дүү, мөнгө хүүлдэг газар/
3. Г.Ганзориг – Хөдөлгөөний албаны даргын жолооч /төрсөн дүү/
4. Алтанцэцэг – Зүүнхарааны хүний нөөцийн менежер /эхнэрийн дүү/
5. Батзориг – Ачаа тээврийн хэлтсийн дарга /Ганболдын эхнэрийн хамаатан/
6. Г.Ганбат – УБТЗ-н эмнэлэгийн эмч / төрсөн дүү/
7. Бямбасүрэн – Замын-Үүд өртөөний дарга, бизнесийн найз
8. Лувсан – Хөдөлгөөний албаны дарга дотны найз
9. Баярсайхан – Дарханы Зангилгааны дарга /УБТЗ-д 40 саяас дээш төгрөгийн хохирол 2 удаа учруулсан ч дээш дэвшсэн бизнесийн найз
10. Гантуяа – Дарханы ачаа хариуцсан орлогч дарга /Ганболдын нууц амраг гэж төмөр замчдад нэршсэн/
11. Батцэрэн – Хангамжийн албаны дарга бизнесийн найз
12. Батмөнх – ачаа тээврийн орлогч дарга хамтарсан бизнес хийдэг найз
13. Энх-Амгалан – Удирдлагын албаны ерөнхий нябо / Ганболдын эхнэрийн найз/
14. Гартаам – Холбооны албаны дарга – дотны найз бас Гартаамын эхнэр Довзодмаа – хүний нөөцийн албаны инженер
15. Минжмаа – хуулийн албанд орон тоо байхгүй байхад нэмж авсан хуулийн албаны орлогч дарга / Д.Жигжиднямаагийн ойрын хамаатан, Хан-Уул дүүрэгт прокурорт хийж байгаад авлигын хэргээр халагдсан ажиллах эрхээ хасуулсан/
16. Нарантуяа – Зорчигч тээврийн албаны дарга Эрээнд хувийн касс ажиллуудаг / Жигжиднямаа, Ганболд нарын хамтын бизнес, зорчигч бүрээс 7000 төгрөг шулдаг/ түүний хүргэн Амарсанаа, охин Уянга бас ажилладаг.
17. Амгалан – Зүтгүүр хариуцсан замын орлогч улсын төмөр замаар хувийн ачаагаа шуурхай явуулдаг бизнесийн найзууд гээд тасралтгүй цувах нээ. Төрийн өмчит алба уу?, төрөл садан найз нөхдийн хамтарсан компани уу? ялгахад хүнд болсон байгааг онцгой анхаарч үзнэ үү.
АТГ-ын дэргэдэх ОНЗ-өөс”
