Монголын хүндийн өргөлтийн насанд хүрэгчдийн улсын аварга шалгаруулах тэмцээн энэ амралтын өдрүүдэд Спортын төв ордонд болохоор товлогдлоо. Энэ жилийн улсын аварга шалгаруулах тэмцээн эрэгтэй, эмэгтэй тус бүр долоон жинд аваргуудаа тодруулна. Жинг тодруулбал, , эрэгтэйчүүд 55, 61, 67, 73, 81, -96, +96 кг-ийн жинд өрсөлдөх бол эмэгтэйчүүд 49, 55, 59, 64, 71, -76, +76кг-ийн жинд аваргуудаа тодруулахаар болжээ. Тэмцээний техникийн зөвлөгөөн өнөөдөр болж оролцох тамирчдын нэрс бүрэн тодорно.
Энэ удаагийн улсын аварга шалгаруулах тэмцээнээс “Токио 2020” зуны олимпийн наадамд оролцох боломжтой тамирчдыг сонгох, цаашлаад олимпийн эрхийн тэмцээнд оролцох тамирчдыг сонгон шалгаруулж байгаа нь энэ удаагийн тэмцээний гол онцог юм.
