Буриад сурын харвааг О.Сүхбаатар, Э.Оюунжаргал нар тэргүүллээ

 

 

 

Тулгар төрийн 2225, Их Монгол улсын 810, Ардын хувьсгалын 95 жилийн ой, үндэсний их баяр наадмын Буриад сурын харвааны эрэгтэй төрөлд О.Сүхбаатар, эмэгтэй төрөлд Э.Оюунжаргал нар тэргүүлжээ.

Энэ сарын 08-нд болсон тус тэмцээнд Ховд, Баян- Өлгий, Завхан, Өмнөговь, Хөвсгөл, Сэлэнгэ, Төв, Дорнод зэрэг хот хөдөөгийн эрэгтэй 165 гаруй, эмэгтэй 60 харваач 9 зураахай дээр цэц мэргэнээ сорьжээ. Ингээд та бүхэнд Буриад сур харвааны дүнг танилцуулж байна.

Эрэгтэй харваачдаас:

Нэгдүгээр байр: Дорнод аймгийн Баян-Уул сумын уугуул, Баяндун сумын харьяат, \”Аш-Авгад” ХХК-ийн харваач, Буриад сурын гоц мэргэн, Олон улсын хэмжээний мастер Ойдовын Сүхбаатар 59 оноогоор

Хоёрдугаар  байр: Дорнод аймгийн Сэргэлэн сумын уугуул, \”Буйрын хөх давалгаа” аялал жуулчлалын компанийн харваач, Буриад сурын улсын мэргэн, спортын мастер Заяатын Ариунбат 59 оноогоор

Гуравдугаар байр: Хэнтий аймгийн Батширээт сумын уугуул, Орхон аймаг, Уулын баяжуулах Эрдэнэт үйлдвэр, Баяжуулах фабрикийн харваач, Хангарьд спорт хорооны тамирчин, Буриад сурын спортын мастер Нямсүрэнгийн Өлзийхутаг 58 оноогоор

Дөрөвдүгээр байр: Баян-Өлгий аймгийн Алтай сумын уугуул залуу харваач Нармандахын Алтантулга 58/10 оноогоор 5-р байранд Дорнод аймгийн Баяндун сумын харьяат Дондогжалцангийн Дугарсүрэн 58 оноогоор

Эмэгтэй харваачдаас:

Нэгдүгээр байр: Дорнод аймгийн Дашбалбар сумын харьяат, Буриад сурын спортын дэд мастер Эрдэнэбилэгийн Оюунжаргал 55 оноогоор

Хоёрдугаар байр: Дорнод аймгийн Хөлөнбуйр сумын уугуул, Баяндун сумын харьяат, Буриад сурын спортын мастер Чагнаадоржийн Гандаваа 53 оноогоор

Гуравдугаар байр: Дорнод аймгийн Баяндун сумын харьяат, Хүч спорт хорооны тамирчин, Буриад сурын Дархан мэргэн Дондогнямын Цэцэг 51 оноогоор

Дөрөвдүгээр байр: Дорнод аймгийн Баян-Уул сумын уугуул, УБ хот Багануур дүүргийн харваач Мөнхболдын Мөнхцэцэг оноогоор тус тус эзэлжээ.

Өнөөдөр сурын талбайд Хүүхдийн сурын харваа эхэлж байна.

Ч.Ариунболд

Гэрэл зургийг Н.Батбаяр ЭХСУРВАЛЖ: Монцамэ