Урд хөрш БНХАУ-ын найман хотод зохион байгуулагдаж буй Сагсанбөмбөгийн ДАШТ-ий A, B, C,D хэсгийн сүүлийн тойргийн тоглолтууд өчигдөр явагдаж, тус хэсгүүдээс дараагийн шатанд шалгарах багууд бүрэн тодорлоо.
Тэмцээний D хэсэгт багтсан Серби болон Италийн багууд хэсгийн тоглолтонд адил хоёр хожилтой байсан бөгөөд өчигдөр хэн нь хэсгээ тэргүүлэх эсэхийг тодрууллаа. Энэхүү тоглолтод Сербийн багийн ахлагч Б.Богданович 31, Н.Йокич 15, М.Радулжика 12 оноо авч багаа тэргүүлжээ. Харин тэдний өрсөлдөгч Италийн шигшээ багаас Д.Галлинари, М.Белинелли нар оноо авалтаар багаа тэргүүлсэн хэдий ч 82:77-ийн харьцаатайгаар хожигдол хүлээлээ. Ийнхүү хожигдол амсаагүй Сербийн шигшээ баг хэсгээ тэргүүлэх болсон бол тэдэнд хожигдол хүлээсэн Италийн баг хэсгээсээ хоёроор шалгарч дараагийн шатанд тоглох эрхээ авч байгаа юм.
Харин С хэсгээс Пуэрто-Рикогийн шигшээ баг Тунисын багийг 67-64-ийн харьцаатайгаар хожсон бол А хэсэгт Венесуэл 72-59 харьцаатайгаар эзэн баг болох Хятадын шигшээг хожиж дараагийн шатанд шалгарсан байна. А болон С хэсэгт Пуэрто-Рико, Венесуэл улсын шигшээ багууд шийдвэрлэх ялалтаа авснаар дараагийн шатанд өрсөлдөх эрхээ авч байгаа юм.
Тэмцээний В хэсэгт дэлхийн сагсан бөмбөгийн хүчирхэг гүрнүүд болох Аргентин болон ОХУ-ын шигшээ баг хоорондоо хэсгийн сүүлийн тоглолтоо хийлээ. Энэхүү тоглолтонд Аргентины #4 тоглогч Ф.Кампаццо маш сайн тоглож 21 оноогоор багаа хожил байгуулахад хөтөллөө. Энэхүү тоглолт 69-61-ийн харьцаатайгаар Аргентины багийн хожлоор өндөрлөсөн юм.
Өчигдөр /9.04/ болсон тоглолтуудын үр дүн:
• Кот-д’Ивуар 63 – 80 Польш
• Венесуэл 72 – 59 Хятад
• БНСУ 66 – 108 Нигери
• ОХУ 61 – 69 Аргентин
• Пуэрто-Рико 67-64 Тунис
• Испани 73-65 Иран
• Ангол 84 – 81 (н.ц) Филиппин
• Итали 77 – 92 Серби
Харин өнөөдөр тэмцээний зургаа дахь өдөр E, F, G, H хэсэг дэх багуудын сүүлийн тойргийн тоглолтууд явагдана. Эдгээр тоглолтуудаас Турк болон Чехийн багийн аль нь E хэсгийг, Шинэ-Зеланд болон Грекийн тоглолтоос аль нь F хэсгийг тэргүүлж гарах нь тодрох юм.
Өнөөдөр тоглох багуудын хуваарь:
• 30 цаг: Канад – Сенегал
• 00 цаг: Бразил – Монтенегро
• 30 цаг: Турк – Чех, Герман – Йордан
• 30 цаг: Литва – Австрали
• 00 цаг: Грек – Шинэ-Зеланд
• 30 цаг: АНУ – Япон, Франц – БНДоминикан
Сагсанбөмбөгийн ДАШТ-ий эхний дөрвөн хэсгийн тоглолт дууслаа
}
Шинэ мэдээ
