“Монголын Үндэсний фронт” гэх хөдөлгөөнийг байгуулж, Ерөнхийлөгч Х.Баттулга манай фронтыг бүрэн хүлээн зөвшөөрсөн. Бид тэмцлээ эхэлнэ хэмээн сайрхсан генерал Б.Баярмагнайн амыг Ерөнхийлөгчийн Тамгын газрын дарга З.Энхболд 7 хоногийн өмнө сайн гэгч нь алгадсан билээ.
Ерөнхийлөгчийн Тамгын газрын дарга хэлэхдээ “Б.Баярмагнай гэдэг хүнийг Ерөнхийлөгч танихгүй. Б.Баярмагнай нэг удаа зурагтаар генерал хувцастай гарч байсан. Ерөнхийлөгчийн Батлан хамгаалах, аюулгүй байдлын зөвлөх Д.Даваагаар дамжуулан генерал хувцас хэрэглэх журам зөрчиж байгааг, дахин тийм алдаа гаргахгүй байхыг сануулсан. Түүнээс хойш генерал хувцас өмсөөгүй. Хэрэв өмсөх юм бол хүлээлгэдэг хариуцлага бий” хэмээн нууцалсан юм.
Тэгвэл өчигдөр Ерөнхийлөгчийн зөвлөх Г.Уянга олон нийтийн сүлжээний хуудастаа: Жагсаалаа амралтын өдөр хийхгүй яасийн л гэхийн, бүгдээрээ нээг их ажилтай ч юм шиг! Амралтын өдөр хийвэл “ганц амардаг өдөр хийлээ” гэнэ. Арга ядаад зах амардаг өдөр, чуулгантай өдөр л хийнэ. Дарга нарын эзгүйд хэнд гэж шаардлагаа тавихийм, байшинд хэлэлтэй биш! Харин үнэхээр Монголчууд жагсаалд овоо ирдэг болж байна уу, эсвэл…жагсдаг болж байвал сайн л байна даа…” хэмээн бичсэн пост тавьж, Генерал Б.Баярмагнайн өрнүүлж байгаа жагсаалыг зохион байгуулагч мөн гэдгээ нотоллоо.
“Үндэсний фронт” хөдөлгөөний цуглаан Ерөнхийлөгчийн засаг нэртэй дарангуй дэглэм сурталчлах зорилготой гэдэг нь ил болсон. Тэднийг “төрийн эрхийг хууль бусаар авах гэмт хэргийн шинжтэй зүйл хэдэн өдөр ярьсан Үндэсний фронтынхон цуглаан хийж байна. Энэ цуглаанаас харахад уг фронт нь нэгдүгээрт,парламентын засгийг бэхжүүлэхийн тулд хууль ёсоор явж буй одоогийн Үндсэн хуулийн нэмэлт өөрчлөлтийг зогсоох. Хоёрдугаарт Ерөнхийлөгчийн засаг нэртэй дарангуй дэглэм сурталчлах зорилготой” хэмээн зарим хуульчид үзэж байгаа юм.
