Хүүхдийнхээ сурах бичгийг хямд үнээр, нэг цэгээс авах боломж бүрдэнэ

Энэ хичээлийн жилд нийтдээ 580 гаруй мянган сурагч ерөнхий боловсролын сургуульд орж сурах бичиг хэрэглэнэ. Нэг хүүхэд ойролцоогоор 6-10 сураг бичиг хэрэглэнэ гэж бодохоор 5 сая гаруй сурах бичиг тараагдана гэсэн үг юм.  Энэ сурах бичгийн тараах ажил жил бүр асуудал дагуулж сурах бичгээ олж чадахгүй, БСШУ-ны сайдын баталсан үнээр  нь авч чадахгүй илүү өртгөөр авах, олдоц хүрэлцээ муу гээд л олон гомдол жил бүр гардаг байна. Тэгвэл энэ жилээс Монголын Залуучуудын Холбооны Боловсролын байнгын хороо, БСШУЯ-тай харилцан тохиролцсоны үндсэн дээр сурах бичиг хэвлэсэн бүх компаниудын сурах бичгийг хямд үнээр Улаанбаатар хотод болон орон нутгуудад түгээх ажлыг зохион байгуулахаар болжээ.

 

Ард иргэдийн амьдрал, хүүхдүүдийн амьдрах боломж нөхцөл хэцүү байгаа учраас нэг ч сурах бичиг дамлуулахгүй, нэг төгрөг нэмүүлэхгүйгээр байнгын цэг ажиллуулан сурах бичгээ тараах юм байна. Уг цэгүүд  9,10, 11 сард бүтэн ажиллах бөгөөд эдгээр байнгын цэгүүд нь Нийслэлийн боловсролын хөгжлийн газар / Номын цагаан өргөө/, Багшийн хөгжлийн ордны гадаа талбайд байрлахаар болжээ.

БСШУЯ-аас нийт сурах бичгийн 26 орчим хувийг сургуулиуд руу үнэ төлбөргүй нийлүүлдэг бөгөөд үлдсэн хувийг нь эцэг эхчүүд худалдан авдаг байна. Тиймээс Монголын Залуучуудын Холбооны Боловсролын байнгын хорооноос нэн ядуу, хүнд амьдралтай хүүхдүүдийн сурах бичгийг үнэ төлбөргүй олгох ажлыг зохион байгуулж байгаа ба одоогоор сурах бичиг үйлдвэрлэдэг компаниудтай харилцан тохиролцох гэрээний шатандаа явж байгаа аж.

Өнгөрөгч жилүүдэд  10 гаруй компаниас төрөл бүрийн сурах бичиг авдаг байсан бол энэ жил МЗХ-ны Боловролын байнгын хороо гэж ганцхан газраас авах нь. Харин хөдөө уран нутгийн ЕБС-уудад аймаг дах салбар зөвлөлүүдээрээ дамжуулан олгох талаар ярьж байгаа юм байна.

 

 

 

[/leech]