Дорнод аймгийн төв Хэрлэн сумын сургууль, цэцэрлэгүүдийн үйл ажиллагааг түр хаах шийдвэрийг өчигдөр Хэрлэн сумын Засаг дарга П.Мөнхтөр гаргажээ.
Аймгийн төвд томуу, томуу төст өвчний дэгдэлт сүүлийн долоо хоногт огцом нэмэгдэж амбулаторийн нийт үзлэгийн 16.8 хувьд, яаралтай түргэн тусламжийн дуудлагын 18.1 хувийг эзэлж байна. Иймд Эрүүл мэндийн сайдын тушаалаар батлагдсан журамд заасны дагуу сургуулийн амралтыг сунгаж, цэцэрлэгийг түр хаах тухай захирамж гаргасан байна.
Тус Захирамжид Ерөнхий боловсролын сургуулийн үйл ажиллагааг 2020 оны нэгдүгээр сарын 13-ны өдрөөс, Сургуулийн өмнөх боловсролын байгууллагуудын үйл ажиллагааг 2020 оны нэгдүгээр сарын 08- 17-ны өдрийг дуустал түр хугацаагаар хаахаар шийдвэрлэжээ.
