УОК-ын Шуурхай штабын дарга Б.Ууганбаяр, Оюутолгой компани Австрали Улс руу ажилчдаа хүргэхээр МИАТ ТӨХК-ийн онгоцыг түрээсэлж нислэг үйлдэхээр болсон тухай мэдээллээ. Улсын онцгой комиссын Шуурхай штаб цаг үеийн асуудлаар мэдээлэл хийж байна.
Өнгөрөгч долоо хоногт УОК-ын Шуурхай штабаас энэ сард нийт найман удаагийн тусгай нислэгээр 2000 иргэнээ авчрахаар болсныг мэдээлж байсан юм.
Тодруулбал, зургаадугаар сард нийт 8 тусгай үүргийн нислэг үйлдэхээр төлөвлөснийг Гадаад харилцааны яамны консулын газрын дарга Л.Мөнхтүшиг мэдээлж байв. Үүнд:
6 сарын 10-ны өдөр Казакстан (150-170 хүн )
6 сарын 11-нд Токио (250-270 хүн)
6 сарын 15-нд Энэтхэг (160-170 хүн),
6 сарын 17-нд Сөүл (транзит) (250-270 хүн),
6 сарын 18 Сөүл (250-270 хүн)
6 сарын 19-нд Франкфурт (250-270 хүн) руу тус бүр тусгай нислэг үйлдэнэ.
Мөн зургаадугаар сарын 25, 28-ны өдрүүдэд тусгай нислэг хийхээр төлөвлөж байгаа бөгөөд хараахан чиглэл нь тодорхой болоогүй байна. Түүнчлэн энэ сарын сүүлээр хийх тусгай нислэгийн нэгийг Энэтхэг улс руу хийхээр төлөвлөж байгаа талаар Л.Мөнхтүшиг мэдээлсэн. Чиглэл нь тодорхойгүй нислэгээр тус бүр 250-270 иргэнийг эх оронд нь авчрах юм
