Засгийн газрын Хэрэг эрхлэх газрын дарга Л.Оюун-Эрдэнэ УИХ-ын Тусгай хяналтын дэд хороонд хоёр жил орчим хуулиар тагнах, чагнах гүйцэтгэх ажиллагаанд өртөж буй талаараа гомдол гаргасан байдаг. Гомдол гаргагч нь төрийн нууцыг хадгалах, хамгаалах үүрэгтэй, төрийн өндөр албан тушаалтан учир нууцын зэрэглэлд оруулан үзэж байгаа аж.
ЗГХЭГ-ын сайд Л.Оюун-Эрдэнийн гомдол гаргасан огноо нь тодорхойгүй байгаа ч УИХ-ын ээлжит бус чуулган эхлэх үеэр гомдол гаргасан бололтой. Тусгай хяналтын дэд хороо гомдлыг хүлээж аваад, Прокурорын байгууллагад хянуулахаар өгсөн гэх мэдээлэл байна. Улмаар хяналтын явцад Л.Оюун-Эрдэнийг тагнаж, чагнасан байж болзошгүй нөхцөл байдал тогтоогдсон гэх ч мэдээлэл байгаа юм.
Нууцын түвшинд шалгагдаж буй гэх уг асуудлаар Прокурорын байгууллагаас тухайлан ажлын хэсэг гаргажээ.
