Японы өмнөд хэсэгт орших Окинава арлууд Майсак хар салхинд өртөөд байгаа ба байшингуудыг нураах хэмжээний хүчтэй салхитай байгаа аж.
Барилга байшингийн дээврүүд хийсч унасан ба одоогоор нийт 4 хүн хөнгөн бэртэлтэй байгаа хэмээн эх сурвалж өгүүлжээ.
Мягмар гарагийн өглөө 11 цагийн байдлаар Окинава дахь 30,000 гаруй өрх цахилгаангүй болж, 250 гаруй нислэг цуцлагджээ.
Олон автобус, гатлага онгоцны үйлчилгээ явагдахгүй байна.
Майсак хар салхи тус мужийн гол арлаас холдож байгаа боловч цаг уурын албаныхан хүчтэй салхи, өндөр давалгаа, хүчтэй шуурганаас сэрэмжлэхийг уриалж байна.
Хар салхи хүчтэй болж, Кюүшюүгийн баруун хэсгээр хойд зүг рүү чиглэх төлөвтэй байна.
Эх сурвалж: NHK
